OQO-da iz-túzsiz joǵalyp ketken boıjetken tabyldy
ShYMKENT. QazAqparat - Ońtústik Qazaqstan oblysynda birneshe kúnnen beri iz-túzsiz joǵalyp ketken 17 jastaǵy boıjetken tabyldy. Ol turmysqa shyǵýyna qarsy bolǵan ata-anasynan qashyp, súıiktisimen birge turyp jatqan, dep habarlaıdy QazAqparat HAA tilshisi.
Qyzdary joǵalyp ketken soń, ata-anasy polıtsııaǵa aryz túsirgen. Tártip saqshylary birneshe kún izdestirý sharalaryn júrgizip, qyzdy Shymkenttegi páterlerdiń birinen tapqan. Tergeý barysynda jasóspirim qyz ata-anasynyń turmysqa shyǵýyna qarsylyq bildirgen soń osyndaı áreketke barǵanyn aıtypty. Sondaı-aq súıiktisiniń ózin urlamaǵanyn jetkizipti. Qazir osy jáıtke qatysty Qylmystyq kodekstiń 126-baby «Bas bostandyǵynan zańsyz aıyrý» boıynsha is qozǵalyp, tergeý sharalary júrgizilýde.
Saıram aýdandyq ІBB málimetinshe, jyl basynan beri aýdanda úılený maqsatymen 17 qyzdy urlaý deregi tirkelgenin aıtyp otyr. Alaıda barlyq jaǵdaıda taraptardyń tatýlasýyna baılanysty ister qysqartylyp ketken.
