OQO-da ıt qapqan 5 jasar qyz qutyrý aýrýynan kóz jumdy
ASTANA. 4 shilde. QazAqparat - OQO-da 5 jasar qyz qutyrý aýrýynan kóz jumdy. Bul týraly QR AShM-niń baspasóz qyzmeti habarlady.
Aǵymdaǵy jyldyń 20 maýsymynda Ońtústik Qazaqstan oblysy Saıram aýdany Qarasý aýyl okrýginiń Aqbastaý eldi mekeninen 5 jasar qyz «ish aýrýy» aldyn ala dıagnozymen Saıram aýrýhanasyna jetkizildi. Ol kóp uzamaı qaıtys boldy.
Taldaýǵa sáıkes 4 maýsymda kishkentaı qyz balany ıt qaýyp alǵan. Sodan bastap dertke shaldyqqan búldirshin men otbasy músheleri qutyrý aýrýyna qarsy 4 ret egildi.
20 maýsymda ustalǵan ıttiń patologııalyq materıaly aýdandyq mal dárigerlik zerthanaǵa jóneltildi. Qazirgi ýaqytta qorytyndy dıagnozdy anyqtaý maqsatynda zerthanalyq taldaý júrgizilýde.
