OQO-da Iran taýar óndirýshileriniń kórmesi ótti
ShYMKENT. QazAqparat - Oblys basshysy B.Atamqulov ınvestıtsııa tartý maqsatynda Iran Islam Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Motjtaba Damırchılmen kezdesti. Bul týraly oblys ákiminiń baspasóz qyzmeti habarlady.
Kezdesýde qos tarap ekijaqty qarym-qatynasty jaqsartý men iskerlik baılanys ornatý máseleleri jəne Qazaqstanda jasalmaıtyn taýarlardy óndirý maqsatynda birikken kəsipkerlik qurý jaıyn talqylady.
Oblys ákimi mártebeli meımandy Ońtústik Qazaqstan oblysynyń ınvestıtsııalyq múmkindikterimen tanystyryp, ıran kompanııalaryn áriptestikke shaqyrdy.
Munan soń, oblys əkimi men elshi Irannyń Horasan oblysynyń kásipkerleri uıymdastyrǵan taýar óndirýshilerdiń kórmesine qatysty.
Iran kásipkerleri Qazaqstanǵa eki eldiń óńirleri arasyndaǵy týrızmdi damytý maqsatynda Meshed-Shymkent áýeqatynasyn ashýdy usyndy.
Aıta keteıik, búgingi kórmede ırandyq 97 kásipker toqyma jáne tamaq ónerkásibi, qurylys, mashına jasaý salalary boıynsha óndirgen ónimderi men kir jýǵysh untaqtaryn usynýda.
2015 jyldyń qorytyndysy boıynsha Iran men Qazaqstannyń arasyndaǵy saýda-sattyq kólemi 700 mln dollarǵa jetken.
