OQO-da ınvestıtsııalyq ortalyq bir aýdanda myńnan astam jobany qarjylandyrdy
ASTANA. QazAqparat - Jergilikti BAQ ókilderine Saryaǵash aýdanyna kezekti press-týr ótkizildi, dep habarlaıdy OQO ákiminiń baspasóz qyzmeti.
Aýyldyq jerlerde kásipkerlikti damytý - «OŃTÚSTІK» aımaqtyq ınvestıtsııalyq ortalyǵynyń basym baǵyttarynyń biri. Atalmysh baǵytty damytý jolynda «OŃTÚSTІK» AIO kásipkerlikpen aınalysamyn deýshilerge barynsha qoldaý kórsetip keledi.
Aýdandar boıynsha qarjy ortalyǵynan qoldaý tapqan birneshe jobalardy úlgi retinde kórsetip, halyqqa kásipkerlikpen aınalysýdyń tıimdi jaqtaryn nasıhattaý maqsatynda, aýdandyq jergilikti telearnanyń tilshilerine press-týr uıymdastyrylýda.
Búginde «OŃTÚSTІK» AIO Saryaǵash aýdany boıynsha jalpy somasy 3,2 mlrd teńgeni quraıtyn 1 265 jobany qarjylandyrǵan. Júzege asyrylǵan jobalar aıasynda 1 710 jańa jumys oryndary ashylǵan.
BAQ ókilderi qarjy ortalyǵy arqyly tómengi paıyzdyq nesıemen qarjylandyrylǵan «Saryaǵash jer syıy» JShS-nda boldy.
«OŃTÚSTІK» AIO-nan 15 mln teńge nesıe alyp, jumysynyń tıimdiligin arttyryp otyrǵan seriktestik elıtalyq kóshetterdi otyrǵyzý jəne kóbeıtýmen aınalysady. Alǵan qarjysyna ónim saqtaý qoımasyn salyp, kassetaǵa kóshet otyrǵyzý qurylǵysy men kassetalaryn satyp alǵan. Qoımanyń syıymdylyǵy 240 tonna. Kóshet otyrǵyzý apparaty kúndigine 3 gektar jerge qajet dándi egip úlgeredi. Eýropadan ákelingen qurylǵynyń ázirge oblysta teńdesi joq. Búginde «Saryaǵash jer syıy» seriktestigi osy jelide qyzmet jasaý úshin 60-tan astam jergilikti turǵyndy jumyspen qamtyp otyr. Qojalyqta kıvı, banan, ananas sııaqty sýbtropıkti jemister sonymen qatar jańǵaq, lımon, júzimniń óte az kezdesetin sorttary kóbeıtilip, kóshetter Almaty, Jambyl, Qyzylorda jəne Aqtóbe sııaqty Qazaqstannyń birqatar oblystaryna jetkizilýde.
Sonymen qatar, jýrnalıster osy kúni 2016 jyldyń qarasha aıynda «OŃTÚSTІK» AIO-nan 63,5 mln teńge kóleminde nesıe alyp óz jumysyn bastaǵan «Saryaǵash-qus» JSSh-nda boldy. Nesıeni óte oryndy paıdalanǵan kásipker qarajatqa 46 myń balapan, olardy ósirýge qajetti jabdyqtar jáne vıtamınder satyp alǵan. 165 kúnde taýyqqa aınalǵan qustar 41-42 myń jumyrtqa berip otyr. Jumyrtqalar Saryaǵash aýdanyndaǵy dúkenderge taratylady. Seriktestikte 15 adam jumyspen qamtylǵan.
Kásipker aldaǵy ýaqytta qus fermasynyń ónim kólemin arttyrý maqsatynda qosymsha taǵy da atalmysh ortalyqtan qarjy alýdy kózdep otyr. Osylaısha, jumys kózin molaıtyp, naryq suranysyn qamtymaq.
