OQO-da ınvestıtsııalyq ortalyq 36 jobany qarjylandyrdy
ShYMKENT. QazAqparat - Ońtústik Qazaqstan oblysynda jyl basynan bergi segiz aıda «OŃTÚSTІK» aımaqtyq ınvestıtsııalyq ortalyǵy men «Yrys» mıkro qarjy uıymy birlese 5 868,5 mln teńgeni quraıtyn 2 096 joba nesıelendirilgen. Bul týraly búgin OQO Óńirlik kommýnıkatsııalar qyzmetinde ótken baspasóz konferentsııasynda «Ońtústik» aımaqtyq ınvestıtsııalyq ortalyǵynyń basqarma tóraǵasy Qýanysh Baıtóre málimdedi, dep habarlaıdy QazAqparat tilshisi.
Basqarma tóraǵasynyń sózinshe, qarjylandyrǵan jobalar sany ótken jyldyń tıisti kezeńimen salystyrǵanda 43,5 paıyzǵa artqan. Al, qarjylandyrý somasy 20,5 paıyzǵa kóbeıip otyr. Eń kóp joba Maqtaral aýdanyna qatysty bolǵan. ıAǵnı, 1 mlrd teńgeden astam somany quraıtyn 443 joba qarjylaı qoldaý tapqan.
«2009 - 2017 jyldar aralyǵynda qarjylandyrylǵan jobalar kelesi basym baǵyttar aıasynda júzege asyryldy. Atap aıtsaq, Indýstrııalandyrý kartasyna engen 36 jobany somasy 7 697,2 mln teńgege qarjylandyrsa, mal sharýashylyǵy baǵytynda 22 957,3 mln teńgege 10 186 jobany, dala jumystary boıynsha 6 075,9 mln teńgege 5 098 jobany, al, aýyl sharýashylyq ónimderin qaıta óńdeýge 1 559,2 mln teńgege 55 joba syndy taǵy da basqa túrli baǵyttar qarjylandyrylǵan», - dedi Qýanysh Baıtóre.
Búginde «OŃTÚSTІK» AIO-nyń nesıe qorjyny 12 665 mln teńgege al, «Yrys» MQU nesıe qorjynynyń kólemi 10 664,0 mln teńgeni qurap otyr. Investıtsııalyq ortalyqpen qarjylandyrylǵan jobalardyń 34 paıyzy óndiristik baǵytta bolsa, mıkro qarjy uıymynyń nesıe qorjynynyń 65 paıyzy mal sharýashylyǵyna baǵyttalǵan.
