OQO-da ındýstrııalandyrý kartasy aıasynda iske asqan jobalar óńir ekonomıkasynyń damýyna úles qosa bastady
Aımaqtaǵy eń iri «Spirit-Kazahstan», «HILL Corparation», «Evro Krıstall», «BayerGroup» sııaqty taýaróndirýshi kásiporyndary atalmysh karta aıasynda qoldaý alyp, búginde óndiristik qýattylyǵy artýda. Búginde atalǵan kásiporyndar ishki suranysty qamtyp qana qoımaı shetelge eksporttaýdy bastap ketken. Nátıjesinde óńir ekonomıkasynyń damýyna aıtarlyqtaı óz úlesterin qosa bastady. Sonymen qatar, atalǵan kásiporyndarda jergilikti turǵyndar qatarynan azamattardy kóptep jumyspen qamtý deńgeıi joǵarylap keledi.
Búgin BAQ ókilderine osy baǵdarlama aıasynda iske asyp, óz kásibin dóńgeletip otyrǵan «Ońtústik» Indýstrıaldy aımaqta ornalasqan birqatar iri kásiporyndarǵa press-týr uıymdastyryldy.
Jalpy «Ońtústik» Indýstrıaldy aımaq boıynsha 95,1 mlrd. teńge kóleminde 6 668 jumys ornymen 71 joba júzege asýda. Búgingi tańda 71 jobanyń jalpy somasy 42,5 mlrd. teńge bolatyn 39 júzege asyp, 3 599 jumys orny ashyldy. Osy jyly 27,2 mlrd. teńgeni quraıtyn 11 joba júzege asyp, jańa 845 jumys orny ashylmaq, dep habarlaıdy OQO ákiminiń baspasóz qyzmeti.
