OQO-da ıisten ýlanǵan 2 jasar sábı kóz jumdy
ShYMKENT. QazAqparat - Ońtústik Qazaqstan oblysynda ıisten ýlanǵan búldirshin aýrýhanada kóz jumdy, dep habarlaıdy QazAqparat tilshisi.
Qaıǵyly jaǵdaı Qazyǵurt aýdanynda bolǵan. Óńirdiń gaz sharýashylyǵy mekemesiniń málimetinshe, Qazyǵurt aýylyndaǵy bir úıden ıisten ýlanǵan eki jasar bala men 23 jastaǵy anasy aýdandyq aýrýhanaǵa jetkizilgen. Dárigerler búldirshindi aman alyp qala almady. Al, anasynyń jaǵdaıy aýyr. Ázirge olardyń qandaı jaǵdaıda ýlanyp qalǵandary belgisiz.
Aıta keteıik, jylý maýsymy bastalǵaly beri oblysta 12 adam ıisten ýlanyp, qaza tapty. Olardyń basym bóligi kámelet jasyna tolmaǵan balalar bolyp otyr. Qaıǵyly jaǵdaılardyń basym kópshiligi oblys ortalyǵynda, sosyn Saryaǵash, Qazyǵurt aýdandarynda tirkeldi.
