OQO-da ıisshil ıt jasyrylǵan esirtki zattaryn tapty
ShYMKENT. QazAqparat - Ońtústik Qazaqstan oblysy, Arys qalasynda ıisshil ıttiń kómegimen esirtki zattaryn ótkizetin kúdiktiler ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, jergilikti polıtsııa bólimine belgisiz bireýler esirtki zattaryn ótkizýmen aınalysady degen habarlama túsken. Jedel-izdestirý sharalarynyń barysynda polıtseıler osy qylmysqa qatysy bar degen tórt kúdiktini qolǵa túsirdi. Olardyń úıin tintý kezinde «Don» esimdi qyzmettik ıt ósimdik tekti esirtki zattardyń oramasyn taýyp alǵan. Sot-krımınaldyq saraptama qortyndysy tárkilengen zattyń jalpy salmaǵy 2 keliden asatyn esirtki ekenin rastady.
«Qazirgi tańda kúdiktiler ýaqytsha tergeý abaqtysyna qamaldy. Olarǵa qatysty Qylmystyq kodekstiń «esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» baby boıynsha is qozǵalyp, sotqa deıingi tergeý amaldary júrgizilýde» delingen habarlamada.
Aıta keteıik, Arys qalalyq ishki ister basqarmasynda júrgen ıisshil ıt bir jyldan astam ýaqyt aralyǵynda birneshe qylmysty ashýǵa kómektesken.
Al, jalpy óńirde 40-tan astam arnaıy daıarlanǵan qyzmettik polıtsııa ıtteri bar. Olar esirtki zattaryn anyqtaýǵa, izderdi jáne jarylǵysh zattardy tabýǵa, qaraýylshylyq qyzmette, qylmyskerlerdi izdeý jáne ustaý barysynda jáne qoǵamdyq tártipti saqtaýda paıdalanylady.
