OQO-da halyqqa qolaıly bolý úshin mobıldik HQKO-lar jumysyn bastady

ASTANA. QazAqparat - QR Aqparat jáne kommýnıkatsııalar mınıstri Dáýren Abaevtyń tapsyrmasymen, Ońtústik Qazaqstan oblysy turǵyndaryna qolaıly jaǵdaı jasaý maqsatynda Halyqqa qyzmet kórsetý ortalyǵynyń kóshpeli mobıldik toptary Saryaǵash, Túrkistan jáne Báıdibek aýdandaryna shyqty. Bul týraly «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamynyń baspasóz qyzmeti habarlady.

Atalǵan jumystar jergilikti atqarýshy organdardyń turǵyn úı járdemaqylaryn jáne 18 jasqa deıingi balalarǵa memlekettik járdemaqylar taǵaıyndaýyna baılanysty uıymdastyrylyp otyr. Endi atalǵan eldi mekenderdiń turǵyndaryna elektrondyq anyqtamalardy alý úshin HQKO-ǵa kelý mindetti emes.  

Járdemaqylardy resimdeıtin mobıldik HQKO mamandary Túrkistan jáne Báıdibek aýdandary ákimshilikteriniń ǵımarattarynda, sondaı-aq Saryaǵash qalasynyń 20/20 áskerı bólimshesinde tańǵy saǵat 9:00-den keshki 20:00-ge deıin qyzmet kórsetetin bolady. Halyqqa qyzmet kórsetý ortalyqtarynda turǵylyqty jerine ýaqytsha tirkeýden ótýge kelýshi azamattar aǵynynyń kóptigi baıqalady. Dese de, jyl saıyn osy ýaqytta jergilikti ákimshilikterde járdemaqy resimdeıtin azamattar mekenjaı anyqtamalary men jyljymaıtyn múlkiniń joqtyǵy jaıly anyqtamalarǵa keletin. Osynaý qıyndyqtardy azaıtyp, tipti joıý úshin jolǵa shyqqan mobıldik HQKO-lardyń halyq kóp shoǵyrlanǵan aımaqtarǵa barýy jumysty júıeleý úshin uıymdastyrylýy zańdy.

Sondaı-aq mobıldik HQKO mamandary aqparattyq anyqtamalardy berý úshin Almatydaǵy turǵylyqty jerine ýaqytsha tirkelýge kelgen azamattar kóp, tyǵyz jınalǵan halyqqa qyzmet kórsetý ortalyqtary mańyna da ornalastyryldy. Mobıldik HQKO mamandary aqparattyq anyqtamalardy Alataý jáne Túrksib aýdandarynyń front-ofısteriniń kelýshilerine berýde.