OQO-da halyqaralyq kompanııa onkologııalyq ortalyq salmaq
ASTANA. QazAqparat - Ońtústik Qazaqstan oblysynyń ákimi Janseıit Túımebaev halyqaralyq «Industry and Engineering Corporation» kompanııasynyń basqarýshy dırektory N.Roýzengarı myrzamen kezdesti, dep habarlaıdy ákimniń baspasóz qyzmeti.
Sonyń nátıjesinde halyqaralyq kompanııasy men Ońtústik Qazaqstan oblysynyń ákimdigi arasynda óńirde ınfraqurylym, jol jáne densaýlyq saqtaý syndy birqatar ınvestıtsııalyq jobalardy júzege asyrýǵa múmkindik beretin memorandýmǵa qol qoıyldy. Aldaǵy ýaqytta qujattar rásimdelip, halyqaralyq kompanııaǵa birlese júzege asyratyn birqatar iri jobalar usynylatyn bolady.
Kezdesý barysynda taraptar aımaqtaǵy memlekettik-jekeshelik áriptestik aıasynda iske asyrylýy tıis ózgede jobalardy talqylap, osy baǵyttaǵy jumystarǵa ınvestıtsııa tartý jaıyn sóz etti.
Óz kezeginde oblys ákimi qonaqtarǵa isterine sáttilik tilep, óz tarapynan barlyq másele boıynsha qoldaý kórsetýge daıyn ekenin jetkizdi.
Aıta keteıik, oblysta memlekettik-jekeshelik áriptestik tetigi arqyly 9,3 mlrd teńge bolatyn 13 jobaǵa jeke áriptes anyqtalyp, kelisim-shart túzildi. Onyń ishinde 8-i bilim berý nysany bolsa, 3 sport, 2 densaýlyq saqtaý nysany. Búginde bul jobalardyń segizine konkýrs jarııalanǵan. Al jyl sońyna deıin jalpy 17 joba boıynsha MJÁ aıasynda kelisim shart túzý kózdelýde.
Budan bólek, memlekettik-jekeshelik áriptestik tetigi arqyly Shymkent qalasynda onkologııalyq ortalyq qurylysyn, «Qaýipsiz qala», Shymkent jáne Túrkistan qalalalarynyń kóshelerin jaryqtandyrý syndy jobalardy iske asyrý josparlanýda.
