OQO-da halyqaralyq boks týrnıri aıaqtaldy
ShYMKENT. QazAqparat - Shymkenttegi joǵary sport sheberligi mektebi kesheninde Bokstan Sıdneı Olımpıadasynyń jáne Álem chempıonatynyń kúmis júldegeri Muxtarxan Dildábekovtiń júldesine arnalǵan jasóspirimder arasyndaǵy VI Halyqaralyq týrnır aıaqtaldy, dep habarlaıdy QazAqparat HAA tilshisi.
Alty memlekettiń boksshylary bas qosqan iri halyqaralyq týrnır qorytyndysy boıynsha Qazaqstannyń jasóspirimder quramasy 13 salmaqtyń 5-eýi boıynsha jeńiske jetti. Al, úsh salmaqta qarsylas shydatpaǵan Reseı quramasy júldeli ekinshi orynǵa turaqtady. Ýkraına men Ózbekstan quramasy bir-bir altyn medalǵa ıe boldy. 54 kelide kúngeılik sportshy Ashat Tastanbek pen jeńil salmaqta rıngke shyqqan Beıbarys Pernebek týrnır jeńimpazy atandy.
Ázerbaıjan, Qyrǵyzstan, Tájikstan boksshylary júldeli oryndarmen shekteldi. Týrnırdi qorytyndylaǵan óńirdiń dene shynyqtyrý jáne sport basqarmasynyń basshysy Álibek Nurtaev Muhtarhan Dildábekov atyndaǵy týrnırdiń joǵary deńgeıde ótkenin aıtty. Týrnırdi uıymdastyrýshylar jarysty halyqaralyq deńgeıde ótkizýge atsalysqan isker azamattarǵa estelik medaldar tapsyrdy. Rıng tórinde kezekti ret tájirıbe jınaqtaǵan sańlaqtar endi Argentınada ótetin jasóspirimder olımpıadasynda kúsh synasatyn bolady.
