OQO-da halyq kóp jınalatyn barlyq nysandar tekseriledi
ShYMKENT. QazAqparat - Ońtústik Qazaqstan oblysyndaǵy saýda oryndary, jeke kásipkerlik jáne bilim berý nysandarynyń órt qaýipsizdigine tekserý jumystary júrgiziletin bolady. Bul týraly óńirdiń tótenshe jaǵdaılar qyzmetiniń basshylyǵy málimdedi, dep habarlaıdy QazAqparat tilshisi.
Óńirlik kommýnıkatsııalar qyzmetinde ótken baspasóz jıynynda OQO Tótenshe jaǵdaılar departamenti bastyǵynyń orynbasary Nurǵalı Júnisov tekserý sharalary Reseıdiń Kemerova qalasyndaǵy iri saýda oıyn-saýyq ortalyǵynda oryn alǵan jaǵdaıǵa baılanysty qolǵa alynyp otyrǵanyn atap ótti. ıAǵnı, elimizdiń Bas prokýratýrasy Іshki ister mınıstrligine 3 aı merziminde halyq kóp shoǵyrlanatyn nysandarda tótenshe jaǵdaıǵa qatysty talaptardyń saqtalýyn qadaǵalap, tekseris júrgizýdi tapsyrǵan. Osy tapsyrmaǵa sáıkes shym qaladaǵy birqatar iri oıyn-saýyq saýda oryndarynda tekserý jumystarymen qatar órt-taktıkalyq oqý-jattyǵýlary júrgizilgen.
«2018 jyldyń І toqsanynda kestege sáıkes halyq kóp jınalatyn nysandarda 5 oqý jattyǵý jıyny ótkizildi. Onyń ishinde «Shymkent Plaza» jáne «Mega Planet» saýda oıyn-saýyq ortalyqtary bar. Al, ótken jyly osyndaı 21 is-shara uıymdastyryldy. Olardyń qatarynda bazarlar da qamtyldy», - dedi Nurǵalı Júnisov.
Aıta keteıik, OQO Tótenshe jaǵdaılar departamenti oblys aýmaǵynda 13679 jeke kásipkerlik nysandy esepke alǵan. Onyń ishinde 1793-i Kásipkerlik kodeksine sáıkes jyl saıyn tekseriletin táýekel dárejesi joǵary toptaǵy nysandar qataryna kiredi.
