OQO-da hakerlik marafon ótedi
ShYMKENT. QazAqparat - Ońtústik Qazaqstan oblysynda «Hakaton» hakerlik marafony ótedi. Maýsym aıynyń 19-20 aralyǵynda ótetin sharaǵa IT-salasynyń túrli deńgeıdegi mamandary qatysatyn bolady, dep habarlaıdy QazAqparat HAA tilshisi.
Jalpy marafon Qazaqstan Respýblıkasy Prezıdentiniń «Qazaqstannyń úshinshi jańǵyrý: jahandyq básekege qabilettilik» atty halyqqa Joldaýynyń ekonomıkanyń jedeldetilgen tehnologııalyq jańǵyrtylýy men «Tsıfrlyq Qazaqstan» memlekettik baǵdarlamasynyń halyq pen bıznestiń memlekettik kórsetiletin qyzmetterge qoljetimdiligin, aqparatpen almasýdy tezdetý aıasynda uıymdastyrylmaqshy.
Sol arqyly barsha aqparattyq tehnologııalar salasy boıynsha mamandyq ıeleri men ózine senimdi, talapshyl, ózgeshe oılaý qabiletiniń talant ıelerine Hakatonǵa qatysýǵa mol múmkindik týyp otyr.
Talant ıelerine beriler júlde qory da qomaqty. Birinshi orynǵa - 1 mıllıon teńge, ekinshi orynǵa 500 myń teńge, úshinshi orynǵa 250 myń teńge syılyqtar beriledi. Barlyq qatysýshylar nazardan tys qalmaı, arnaıy syılyqtarmen marapattalmaq. Eń jaqsy, tyń ıdeıaly jobalarǵa sarapshylar granttar berý boıynsha múmkindik qarastyratyn bolady. Sharany uıymdastyrýshylar qatysýǵa nıet bildirgender on-startup.kz siltemesi arqyly tirkele alatynyn málim etti.
