OQO-da gollandııalyq zamanaýı tehnologııamen jem-shóp ázirlenedi
Bul tehnologııa Gollandııada keńinen qoldanysqa engizilgen. Dándi daqyldardyń barlyǵynan osyndaı jasyl shóp ósirip shyǵarýǵa bolady. Ol úshin 1 keli dán jibitilip, arnaıy tabaqshaǵa salynady. Sóıtip, sý búrkigishi men ýltrakúlgin, ınfraqyzyl sáýleleri bar arnaıy kameraǵa 7 táýlikke qoıylady. Osyndaı arpa dáninen óskinder ónip shyǵady. Dáni tamyr jaıyp, tabaqshadaǵy 1 keli arpanyń salmaǵy 7 kelige deıin ulǵaıady. Únemi sý búrkip turǵan soń óskinder mal úshin shyryndy azyq bolady.
«Munyń quramynda AVSD D3 jáne K vıtamıni bar. Osy gıdroponıkamen jemdelip otyrǵan malymyz bar. 2 jylda birde-bir ret aýyrǵan emes. Al, jaılaýda júrgen maldy qaıta-qaıta shanshyp jatady. Osynda daıyndalǵan jasyl jem 80 paıyz daladan kelgen aýrýdy joıady. Sonymen qatar, aýrý maldy emdeýge septigin tıgizedi», - deıdi «QAZAGROGRIN» JShS-nyń bas dırektory Baqytjan Kópbaev.
Avtomattandyrylǵan myna qurylǵy táýligine 2 tonna jasyl jem daıyndaıdy. Tek ydystarǵa jem salyp otyrsańyz bolǵany. «Qazagrogrın» seriktestigi osyndaı jem daıyndaý jabdyqtaryn taratýshy bolyp tabylady. Bul quraldardy lızıngpen nesıege de alýǵa bolady.
Kásiporynnyń basshysy atalmysh jemniń sińimdiligi joǵary ekendigin aıtýda ıAǵnı 1 sıyr 1 táýlikte 20 keli jeıdi. Bul 94 paıyzǵa deıin qorytylady. Qalǵan jemderdiń tek 40 paıyzy sińedi.
Mundaı jemmen qorektengen sıyr sútiniń maılylyǵy 4,4 paıyz bolady. Jylqylar 40 kúnde et alsa, toqtylar denesine maı emes, balǵyn et jınaıdy deıdi, seriktestik qyzmetkerleri.
