OQO-da ǵalymdar latyn qarpine kóshý reformasynyń tıimdi tustaryn talqylady
Ońtústik Qazaqstan pedagogıkalyq ýnıversıtetinde bas qosqan zııaly qaýym ókilderi jańa álipbı jetistikterge jol ashyp, halyqaralyq qarym-qatynasty nyǵaıtady degen senim bildirdi.
Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy jahandaný zamanynda ulttyq qundylyqtarymyzdy joıyp almaı, tutas ult bolyp qalyptasýymyzǵa zor yqpal etedi. Semınarǵa kelgen ǵalymdar jan-jaqty zerdelengen oılaryn osylaısha baıandady. Olardyń pikirinshe latyn qarpin álemniń ozyq elderi qoldanyp keledi. Solardyń qatarynda Túrkııa memleketi de bar. Halyqaralyq jıynǵa arnaıy kelgen ǵalym Pýsat Pılten «Túrkııadaǵy dástúrli bilim berý júıesine jalpy sholý» taqyrybyndaǵy baıandamasyn oqydy. Onyń aıtýynsha latyn árpine kóshý - bul búkil álem qarym-qatynas jasaıtyn aǵylshyn tilin jastardyń tezirek ıgerýine múmkindik jasaıdy. Álemdik deńgeıde til tabysý úshin de latyn grafıkasyna aýysý mańyzdy bolyp tabylady. Bastysy - kez kelgen aqparatty, ǵalamdyq ózgeristi balalar túpnusqadan alyp, oqı alatyn bolady.
Semınarǵa qatysqan ózge ǵalymdardyń pikirinshe, jańarý men jańǵyrýǵa bet alǵan elimizdiń endigi bolashaǵy saıası-ekonomıkalyq faktorlarmen qatar, memlekettik tili - qazaq tiliniń taǵdyryna da tikeleı baılanysty. Sondyqtan, zamana aǵysy talap etip otyrǵan mundaı ózgeristi jiti saraptap, oǵan jan-jaqty daıyndyqpen kirisý qajet.