OQO-da erli-zaıyptylardy asqan qatygezdikpen óltirgen kúdikti bir aıdan keıin ustaldy
ShYMKENT. QazAqparat - Ońtústik Qazaqstan oblysynda erli-zaıyptylardy asqan qatygezdikpen óltirgen kúdikti aqyry ustaldy. Ol qylmys jasalǵan aýyldyń turǵyny bolyp shyqty, dep habarlaıdy QazAqparat HAA tilshisi oblystyq ІІD baspasóz qyzmetine silteme jasap.
Bir aıdan keıin ustalǵan 26 jastaǵy sezikti jasaǵan qylmysyn tolyǵymen moıyndaǵan. Úıinen qylmys quraly retinde baltasy da tabylǵan. Alaıda ol aýyldastaryn ne sebepti óltirgenin ashyp aıtpaı otyr. Onyń barysy tergeý barysynda anyqtalady,- deıdi polıtseıler.
Eske salaıyq, 13 aqpan kúni Maqtaral aýdanynda oryn alǵan qylmys jurttyń jaǵasyn ustatqan bolatyn. Almaly aýylynda belgisiz bireýler erli-zaıyptylardy baltamen azaptap óltirip, máıitterin kósheniń boıyna tastap ketken. Keıinnen polıtseıler marqumdardyń erli-zaıyptylar ekenin anyqtady. QR Qylmystyq kodeksiniń 99-baby "Kisi óltirý" boıynsha is qozǵalyp, sotqa deıingi tergeý amaldary júrgizilýde. Ustalǵan kúdikti Maqtaral aýdanyndaǵy ýaqytsha ustaý oqshaýlaǵyshynda qamaýda otyr.
