OQO-da «Erkindigim-Eldigim» respýblıkalyq ən baıqaýynyń jeńimpazdary anyqtaldy

ShYMKENT. QazAqparat - Shymkentte belgili sazger Israıl Saparbaı ánderin oryndaý boıynsha ótken "Erkindigim-Eldigim" respýblıkalyq ən baıqaýynyń jeńimpazdary anyqtaldy.  45 úmitker qatysqan óner saıysynda bas júlde Shymkent qalasynyń jas ánshisi Óserbaı Bórihanovqa berilip, oǵan 500 myń teńge syıaqy tabystaldy, dep habarlaıdy QazAqparat tilshisi.

Memleket basshysy N.Nazarbaevtyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasyn júzege asyrý maqsatynda aqyn-sazger, dramatýrg Israıl Saparbaıdyń 75 jasqa tolý mereıtoıyna arnalǵan baıqaý sazgerdiń shyǵarmashylyǵyn keńinen nasıhattaý men dáripteý maqsatynda uıymdastyrylǵan bolatyn. Kompozıtordyń  ánderi arqyly eldiń rýhyn bıiktetý maqsatynda uıymdastyrylǵan sharada respýblıkanyń birneshe oblystarynan jas ánshiler óz ónerlerin ortaǵa saldy.  Mádenıet jáne sport mınıstrligi men oblys ákimdigi jáne oblystyq mádenıet  basqarmasy muryndyq bolǵan baıqaýda júldeli birinshi oryn men 300 myń teńge Atyraý oblysynan kelgen Ashatqa Ámirǵalıevke berilse, ekinshi oryn men 200 myń teńgeni Semeı qalasynyń kúmis kómeı ənshisi Alııa Aýkenova jəne shymkenttik «Saryn» tobyna berildi. Júldeli úshinshi oryn men 150 myń teńge  Qyzylorda oblysynyń ənshisi  Araılym Muhamedjanova men  Ońtústik Qazaqstan oblysynyń atynan qatysqan  Jeńis Bertaevtarǵa, Aıgerim Tájige buıyrdy.
 

Sonymen qatar, «Ǵajaıyp tango» arnaıy júldesimen Atyraý oblysynan «Turan» trıosy, «Aınaldym» arnaıy júldesimen Ońtústik Qazaqstan oblysynan Temirbaev Erjan jáne «Saǵynysh sazy» arnaıy júldesimen Almaty oblysynan Berdibaı Qaıyrjan marapattaldy. Sol sııaqty «Anany ańsaý» arnaıy júldesimen Ońtústik Qazaqstan oblysynan qatysqan Marhabat Beısenova marapattalyp, olarǵa 75 000 teńgeden aqshalaı syılyqtar berildi.
 

Aıta keteıik, baıqaýda 18-35 jas aralyǵyndaǵy  qatysýshylar óz tańdaýy boıynsha azamattyq-patrıottyq, balalar ánderi, mahabbat lırıkasy, romans syndy túrli janrdaǵy tek avtordyń óz ánderin folklorlyq nemese estradalyq baǵytta tabıǵı daýysta oryndap shyqty.  Almaty, Qyzylorda, Atyraý, Shyǵys Qazaqstan oblystarynan jáne Ońtústik Qazaqstan oblysynan qatysqan jas ánshiler irikteýden ótip,  ekinshi kezeńge joldama alǵan edi.

Baıqaý jeńimpazdaryn marapattaý sharasy estrada juldyzdarynyń qatysýymen gala-kontsertke ulasty. Daryndy kompozıtor ənderi shyrqalǵan gala-kontsertke QR eńbek sińirgen artısi Sembek Jumaǵalıev, QR eńbek sińirgen qaıratkerleri Ábıirbek Tinalıev jáne Shahızada Baıpatshanovalarjáne  qazaq estradasynyń ánshisi Tańat Mamyrhan men Ońtústik Qazaqstan oblysynyń óner maıtalmandary da qatysty.