OQO-da erigen qar men jańbyr sýlary tasqyny kútilýde, ózenderdiń arnalarynan shyǵyp, sý basý jaǵdaılary bolýy múmkin - 3 naýryzǵa arnalǵan aýa raıy boljamy
ASTANA. 2 naýryz. QazAqparat - 3 naýryz kúni Qazaqstan aýmaǵynyń kóptegen bóligi antıtsıklon taramynda bolady, respýblıkanyń batysy men ońtústiginde tsıklon óz áserin saqtap qalyp, mundaǵy keıbir jerlerde jaýyn-shashyn, tuman, kóktaıǵaq, jeldiń kúsheıýi kútilýde, dep habarlaıdy TJM-niń baspasóz qyzmeti Qazgıdrometke silteme jasap.
Ońtústik Qazaqstan oblysynda jeldiń sekýndyna 15-20 metrge deıin kúsheıýi, jel ekpininiń 25 metrge deıin jetýi kútiledi, túnde keıbir jerlerde tuman túsedi.
Jambyl, Mańǵystaý, Atyraý, Batys Qazaqstan oblystarynda tuman, kóktaıǵaq, jeldiń sekýndyna 15-22 metrge deıin kúsheıýi kútilýde.
Aqtóbe oblysynda keıbir jerlerde tuman, kóktaıǵaq, burqasyn, túnde jeldiń sekýndyna 15-20 metrge deıin kúsheıýi kútiledi.
Kúndiz Qostanaı oblysynyń keıbir jerlerinde jaıaý burqasyn, jeldiń sekýndyna 15-20 metrge deıin kúsheıýi kútiledi.
Qaraǵandy oblysynyń keıbir jerlerinde jeldiń sekýndyna 15-20 metrge deıin kúsheıýi, túnde tuman túsedi dep kútilýde.
Aqmola, Almaty, Qyzylorda, túnde Shyǵys Qazaqstan oblystarynyń keıbir jerlerinde tuman bolady.
3-5 naýryz aralyǵynda kútilip otyrǵan jańbyrlar, keıbir jerlerde kúshti jańbyrlarǵa baılanysty Ońtústik Qazaqstan oblysyndaǵy tómengi taýly aımaqtar ózenderinde erigen qar men jańbyr sýynyń tasqyny kútilýde, ózenderdiń arnalarynan shyǵyp, sý basý jaǵdaılary bolýy múmkin. Taıaýdaǵy úsh táýlikte Syrdarııa ózeninde (Qyzylorda oblysynyń ońtústiginde), Jambyl jáne Almaty oblystaryndaǵy tómengi taýly aımaqtardyń jekelegen ózenderinde muz qubylystarynyń álsireýi baqylanady. 3-5 naýryz kúnderi Shardara sý qoımasyna sekýndyna 1400-1450 tekshe metr kóleminde sý kelip túsedi. Jambyl, Almaty jáne Shyǵys Qazaqstan oblystarynyń jekelegen ózenderinde sý deńgeıleriniń aýytqýlary baıqalady.
