OQO-da erekshe forma kıgen tártip saqshylary paıda boldy
ShYMKENT. QazAqparat - Ońtústik Qazaqstan oblysynda saqshylarynyń qatary 200-ge kóbeıdi. Oblystyq jastar saıasaty máseleleri jónindegi basqarma qolǵa alǵan joba boıynsha eriktilerge «polıtsııa kómekshisi» degen sertıfıkat berildi, dep habarlaıdy QazAqparat HAA tilshisi.
Tamyzdyń 5-i men 9-y aralyǵynda Baýyrjan Momyshuly atyndaǵy oqý ortalyǵynyń bazasynda ótken oqytý semınaryna oblystyń barlyq aýdan-qalalarynan 500-ge tarta erikti jas tartylǵan bolatyn. Endi Otanyna adal qyzmet etýge ant berip, patrıottyq rýhyn shyńdaǵan jastar polıtsııa qataryna qosylady. Qoǵamdyq tártipti saqtap, kómek beretin bolady. Olardyń 200-i «úzdik polıtsııa kómekshisi» dep tanyldy. Aldaǵy ýaqytta taǵy 300 jasqa osyndaı múmkindik berilmek.
