OQO-da eńbek ótili 600 jyldy quraıtyn ustazdar áýleti ómir súredi
ShYMKENT. QazAqparat - Ońtústik Qazaqstan oblysynda eńbek ótili 600 jyldy quraıtyn ustazdar dınastııasy ómir súredi. Uztazdar otbasymen taıaýda Ordabasy aýdanyna uıymdastyrylǵan arnaıy press-týr kezinde jýrnalıster qaýymy tanysty, -dep habarlaıdy QazAqparat HAA tilshisi.
Ordabasy aýdany Bórjar aýylynda turatyn Ysqaqtar áýletiniń 20 shaqty múshesi muǵalimdikti meńgergen. Onyń biri QazSSR-na eńbegi sińgen mektep muǵalimi, Eńbek Qyzyl tý ordeniniń ıegeri, QazSSR-niń halyq aǵartý úzdigi tós belgisiniń ıesi Sultan Ysqaq bolsa, onyń uly Ábdiqaıym Ysqaq ta osy salany meńgeripti. Al Ábdiqaıym Ysqaqtan taraǵan alty ul men úsh qyzdyń beseýi de aǵartý jolynda eńbek etken. Olar - Ákim Ysqaq, Ábdikárim Ysqaq, Gúljan Ysqaq, Gúlmıra Ysqaq jáne Gúlsara Ysqaq. Bes perzenti ustazdyq jolyn tańdaǵan qarııanyń 5 kelini de muǵalimdikti kásip etti. Munan bólek, búginde 7 nemeresi pedagogıka salasyn meńgerip, ata jolyn qýyp júr.
Ysqaqtar áýletiniń qarııasy, qyryq jylǵa jýyq jumys ótili bar Ábdiqaıym Sultanulynyń aıtýynsha, shákirt tárbıelep, onyń úlken azamat bolyp qalyptasýyn kórý, jetistigine kýá bolý - ustaz úshin uly baqyt. Kezinde ákeniń salyp ketken sara jolymen júrip, oǵan ózinen taraǵan urpaqty da baýlyp júrgen aqsaqal ustazdyq jolynda ákesi syndy mektep dırektory qyzmetin de birge atqarǵan.
