OQO-da «Eńbek kúni» merekesine arnalǵan saltanatty jıyn ótti
ShYMKENT. QazAqparat - Búgin OQO ákimi Beıbit Atamqulov «Eńbek kúni» merekesine arnalǵan jumysshylar men eńbek áýletteriniń oblystyq forýmyna qatysty.
Saltanatty jıynda óńir basshysy barsha eńbek qyzmetkerlerin kásibı merekemen quttyqtap, osy salada uzaq jyldar ter tókken ardagerler men qyzmetkerlerdi marapattady. 
Bul kúni óz salasynda talmaı eńbek etip, óz isiniń bilgiri atanǵan 28 azamatqa «Eńbek ardageri», «Oblysqa sińirgen eńbegi úshin» medali jáne oblys ákiminiń Gramotasy men Alǵys haty tabystaldy. Sondaı-aq, merekelik jıynda «Eńbek joly» konkýrsynyń jeńimpazdary da qurmet pen qoshemetke bólendi. Aıta ketken jón, bıyl Eńbek merekesin atap ótý jyl boıyna toılanyp, oblysta túrli is-sharalar men konkýrstar uıymdastyrylýda. 
Eske salaıyq, Elbasy N.Nazarbaevtyń jarlyǵy boıynsha elimizde qyrkúıek aıynyń sońǵy jeksenbisi - «Eńbek kúni» merekesi bolyp belgilengen. Osyǵan sáıkes, bıyl atalǵan meıram respýblıkamyzda úshinshi ret toılanýda. Búginde oblysta 9 Sotsıalıstik Eńbek Eri, 1 Qazaqstannyń Eńbek Eri turady, dep habarlaıdy OQO ákiminiń baspasóz qyzmeti.
