OQO-da eńbek ınspektsııasyna 900-ge jýyq aryz túsken
ShYMKENT. QazAqparat - Ońtústik Qazaqstan oblysynda eńbek ınspektsııasy basqarmasyna sońǵy toǵyz aıda 900-ge jýyq aryz-shaǵym túsken. Shaǵymdardyń basym kópshiligin Maqtaral aýdanynyń turǵyndary jazypty. Bul týraly maqtaly aýdanda ótken eńbek zańdylyǵynyń talaptaryn qatań saqtaý boıynsha kóshpeli jıynda sóz boldy, dep habarlaıdy QazAqparat tilshisi.
Basqarma mamandarynyń sózinshe, Maqtaraldan túsken 105 aryzdyń basym bóligi jeke tulǵalarǵa tıesili. 67 shaǵym bilim salasyna qatysty jazylsa, 12-si densaýlyq saqtaý salasyna qatysty eken. Taǵy 21 aryz jeke balabaqsha qyzmetkerleriniń ústinen túsipti.
«Osy jumystardyń nátıjesinde Maqtaral aýdanynda 42 zań buzýshylyq anyqtaldy. Onyń ishinde 26 eńbek qatynastary týraly, eńbek qaýipsizdigi jáne eńbek qorǵaý boıynsha 3 zań buzýshylyq, halyqty jumyspen qamtý salasy boıynsha 13 zań buzýshylyq anyqtalyp otyr»,- deıdi Oblystyq eńbek ınspektsııasy jónindegi basqarmanyń memlekettik eńbek ınspektory Raýan Dýrmenov.
Shaǵymdardy qaraý nátıjesimen Maqtaral aýdanynda 43 tekserý júrgizildi. Qalǵan 62-i zań aıasynda túsindirý jumystary qolǵa alynǵan.
«Kelism-shart túzgen kezde jumysqa qabyldanýshy men jumyskerdiń arasyndaǵy mindetter kórsetiledi. Al, jumysqa qabyldanyp alǵannan keıin keıingi 1,2 aıdan keıin aılyǵyn ala almaı jatyrmyn dep jatady mysalyǵa. Jumyskerlerge jumyskerdiń tarapynan osyndaı mindettemeler oryndalmady dep aryzdanyp kelip jatady. Keıin tekserý boıynsha qarap jatsaq, mysalyǵa jumysker men jumysshynyń arasyndaǵy kelisimshart túzilmeıtini anyqtalady. Odan keıin kóptegen zańbuzýshylyqtar jumysshylardyń óz quqyǵyn bilmeýiniń nátıjesinen oryn alady»,- deıdi Oblystyq eńbek ınspektsııasy jónindegi basqarmanyń basshysy Almasbek Mamytbek.
Jıynda sóz alǵandar jumysshylardyń quqyǵyn qorǵaýda kásipodaqtyń rólin kúsheıtý kerektigin aıtty. Sonyń arqasynda jumyskerlerdiń quqyǵyn qorǵalyp, muń-muqtajyn bılikke jetedi dep túıindedi jıynǵa qatysqandar.
