OQO-da Elbasynyń saıası bastamalaryna arnalǵan konferentsııa ótti
ShYMKENT. QazAqparat - M.Áýezov atyndaǵy Ońtústik Qazaqstan memlekettik ýnıversıtetinde «N. Nazarbaev fenomeni: saıası ustanymdar men bastamalar» halyqaralyq ǵylymı-praktıkalyq konferentsııasy ótti. Іs-shara QR Tuńǵysh Prezıdenti - Elbasy kitaphanasynyń «N.Nazarbaev: dáýir, tulǵa, qoǵam» kóshpeli kórme jobasy aıasynda uıymdastyryldy, dep habarlaıdy QazAqparat tilshisi.
Jıynǵa elimizdiń ózge óńirlerinen bólek, Reseı, AQSh, Aýǵanstan, Tájikstan, Qyrǵyzstan memleketterinen de qonaqtar keldi. Іs-shara barysynda oblys ákiminiń orynbasary Ulasbek Sádibekov basqosýdyń mańyzdylyǵyna toqtalyp ótti.
«Kóshpeli kórme jobasynyń maqsaty - Elbasy N.Á.Nazarbaevtyń táýelsiz Qazaqstandy qurýdaǵy róli men tulǵalyq qasıetteri, tıimdi reformalaryn, eren eńbegin jan-jaqty taldap, nasıhattaý bolyp tabylady. Elbasymyzdyń táýelsizdik jyldary jazylǵan ǵylymı eńbekterinde elimizdiń jetken jetistikteri men aıtýly tarıhı oqıǵalary, keleshektegi naqty damý strategııalary aıqyndalǵan. Elbasy eńbekterin oqý arqyly óskeleń urpaq ókilderiniń boıynda iskerlik, basqarýshylyq, patrıottyq qasıetteri qalyptasatyny sózsiz», - dedi oblys ákiminiń orynbasary.
Qatysýshylar álemdik tájirıbedegi tulǵa fenomeniniń genezısi, QR Tuńǵysh Prezıdenti - Elbasy N.Á.Nazarbaevtyń Qazaqstannyń egemendigi men memlekettiligin nyǵaıtýdaǵy róli jáne Elbasynyń syrtqy saıası bastamalary - álemdik qaýymdastyqtaǵy Qazaqstannyń halyqaralyq mártebesi men bedelin arttyrý faktory, jańa jahandyq shyndyqtaǵy jańǵyrýdyń qazaqstandyq modeli baǵyttary boıynsha baıandama jasady. Konferentsııa moderatory, QR Tuńǵysh Prezıdenti - Elbasy kitaphanasy dırektorynyń orynbasary Ámirhan Rahymjanov Elbasynyń memlekettik tıimdi damý baǵdarlamasy aıasyndaǵy bastamalary týraly oıymen bólisti.
«Nursultan Nazarbaevtyń tulǵasy 90-jyldardyń basyndaǵy táýelsiz Qazaqstannyń qalyptasý kezeńinen beri barsha jurtshylyqtyń nazarynda ekeni belgili. Sol kezdiń ózinde «Nazarbaevtyń saıası kóshbasshylyǵy» jáne «Nazarbaev úlgisi» uǵymdary sarapshylar men saıasatkerlerdiń, saıası ǵalymdar men pýblıtsısterdiń qalt jibermes zertteý nysanyna aınalyp, sózdik qorlarynda turaqtady. Memleket basshysynyń reformator retindegi baǵyty, halyqaralyq arenadaǵy teńdessiz bedeli - Elbasynyń qıyndyqtar men kedergilerge tótep beretin saıası erik-jigeri men strategııalyq daryndylyǵy, alǵa qoıǵan maqsatqa jetýdegi tabandylyǵy men senimdiligi sekildi jeke tulǵalyq qasıetterinen aıqyn kórinedi», - dedi Ámirhan Rahymjanov.
Bul pikirlerdi shetelden kelgen qonaqtar da qýattap, óz oılaryn bildirdi. Olar shırek ǵasyrda Qazaqstan keminde 50 jylǵa tatıtyn damý jolyn bastan ótkergenin, qazirgi tańda qazaq eli kóptegen memleketterge úlgi bolarlyqtaı deńgeıge jetkenin atap ótti. Bul kórsetkishti kórshi elder Prezıdentimizdiń saıasatynyń durystyǵynan dep biletindikterin jetkizdi.
