OQO-da Elbasy Joldaýyn júzege asyrý joldary talqylandy
ShYMKENT. QazAqparat - Búgin «Nur Otan» partııasy Ońtústik Qazaqstan oblystyq fılıalynyń kezekten tys HHHІІІ konferentsııasy ótti. Konferentsııaǵa qatysýshylar Elbasy N.Á.Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýyn halyqqa túsindirý men ondaǵy basym baǵyttardy saralap, atqarýǵa tıis jumystardy sóz etti, dep habarlaıdy QazAqparat tilshisi.
Jıynǵa oblys ákimi jáne partııanyń oblys boıynsha fılıalynyń tóraǵasy Janseıit Túımebaev pen saıası keńes músheleri, oblystyq máslıhat depýtattary qatysty. Sondaı-aq qala-aýdannan saılanǵan delegattar men memlekettik organdardyń basshylary shaqyryldy. Basqosýda aımaq basshysy Memleket basshysy atap kórsetken on mejeniń óńirde júzege asyrylýy boıynsha tıisti jumystar bastalyp ketkenin atap ótti. Joldaýda kórsetilgen mindetterdi iske asyrý jalpyǵa ortaq ekenin jetkizdi. «Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkúndikteri» atty kezekti Joldaýyn elimizdiń erteńi úshin jasalǵan batyl qadam men baıypty paıym ekenin aıtty.
«Zaman talabyna oraı elimiz ozyq ta órkendegen elderge qarap boı túzeýde. Bas qujatta aıtylǵan barlyq basymdyqtar iske asqannan keıin egemen elimizdiń ózi zamanaýı damýdyń úlgisine aınalyp, damýshy elderge úlgi-ónege kórsetetin bolady. Sondyqtan da Joldaýda kórsetilgen mindetterdi halyqqa keńinen nasıhattaý men túsindirý jumystaryn jandandyrýdy «Nur Otandyqtarǵa» tapsyra otyryp, el damýyna qarqyn beretin qujatta belgilengen baǵyttardy birlese júzege asyrýǵa shaqyramyn»,-dedi Janseıit Túımebaev.
Jıynda sonymen qatar halyqaralyq «Túrkologııa» ortalyǵynyń ǵylymı qyzmetkeri Qazybek Tájıev pen «Dostyq» ózbek qaýymdastyǵynyń tóraǵasy, «Nur Otan» partııasy Saıası keńesiniń múshesi Ikram Hashımjanovdar sóz sóıledi. Oblystyq máslıhattyń depýtaty, fraktsııa múshesi Nuraly Ábishov pen Enbekshi aýdandyq partııa fılıaly tóraǵasynyń birinshi orynbasary Berdiqul Sadyqovtar da Joldaýǵa qatysty oılaryn ortaǵa saldy. «QazTransOıl» AQ-y men «Shymkent» qabyldaý taýarlyq pýnktiniń operatory Baǵjan Narpaevalar da kópshiliktiń aldynda sóz alyp, Joldaýdan túıgen pikirlerimen bólisti. Elbasynyń qoıǵan mindetterin oryndaýda Ońtústik Qazaqstandyqtar aldyńǵy qatarda bolatynyna senim bildirdi.
Konferentsııa barysynda oblystyq partııa fılıalynyń Saıası keńesi quramyna ózgerister men tolyqtyrýlar engizilip, májilis qorytyndysy boıynsha qarar qabyldandy.
