OQO-da Elbasy Joldaýyn júzege asyrý maqsatynda aktıv otyrysy ótti
ShYMKENT. QazAqparat - Ońtústik Qazaqstan oblysynda Elbasynyń «Tórtinshi ónerkásiptik revolıýtsııa jaǵdaıynda damýdyń jańa múmkindikteri» atty Joldaýynda aıqyndalǵan mindetterdi talqylaýǵa arnalǵan aktıv jıyny ótti, dep habarlaıdy OQO ákiminiń baspasóz qyzmeti.
Óńir basshysynyń tóraǵalyǵymen ótken sharaǵa basqarma basshylary, aýdan, qala ákimderi, máslıhat depýtattary, ardagerler, oblystaǵy zııaly qaýym jáne qoǵamdyq uıym men BAQ ókilderi qatysty. Jıyndy oblys ákimi Janseıit Túımebaev ashyp, bıylǵy Joldaýdyń el damýyna tyń qarqyn beretin jańa baǵdardy usynyp otyrǵanyna toqtaldy.
Kún tártibinde Elbasy Joldaýynda belgilengen tapsyrmalardy iske asyrýdaǵy oblystyń atqarýshy organdarynyń mindetteri qaraldy. Oblys basshysy óz sózinde Memleket basshysy ataǵan 10 basymdyqtyń árqaısysy oblys ekonomıkasymen tyǵyz baılanysty ekenin aıta kelip, Joldaý týyndatqan mindetterge keńinen toqtaldy.
«Elbasy Joldaýynda atap kórsetilgen máselelerdi negizge ala otyryp, oblystyń áleýmettik - ekonomıkalyq damýy men saıası turaqtylyqty qamtamasyz etýge bar kúsh - qaıratymyzdy jumsaıtyn bolamyz. Búgingi kúnge Memleket basshysynyń Joldaýynda belgilengen baǵyttardy oblysymyzda iske asyrý boıynsha naqty is-sharalar men mindetter aıqyndaldy. Birinshi baǵyt boıynsha oblysymyz Qazaqstannyń ındýstrııalandyrý jáne tehnologııalardy engizý úrdisine belsendi qatysyp, óńir azamattarynyń jahandyq báseke qabilettiligin arttyrý qajet. Oblysymyzda ındýstrııalandyrý kartasy aıasynda 1,3 trln. teńgeni quraıtyn 137 joba júzege asyrylýda, onda 18 myńnan astam jumys orny ashylatyn bolady. 2018 jyly oblysymyzda «Indýstrııalandyrý kartasy» sheńberinde zamanaýı 9 joba iske qosylady», - dedi Janseıit Qanseıituly.
Jaryssózge shyqqan Qoǵamdyq keńestiń tóraǵasy, oblystyq máslıhattyń depýtaty Ómirzaq Meldehanov Elbasy Joldaýynda aıtylǵan negizgi basymdyqtarǵa toqtalyp, mańyzdy qujatty nasıhattaýda kóp bolyp jumylý kerektigin atap ótti.
Munan soń minberge, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamentiniń basshysy Álı Kómekbaev shyǵyp, tıimdi memlekettik basqarý, jemqorlyqpen kúres boıynsha oılarymen bólisti.
Ońtústik Qazaqstan oblysynyń qurmetti azamaty, Rozaqul Qalmuratov, Maqtaral aýdanynyń qurmetti azamaty Toıym Júnisov, oblystyq «ıÝjnyı Kazahstan» qoǵamdyq saıası gazetiniń bas redaktory Marına Lımarenkolar Joldaý júktegen mindetter týraly pikirlerin ortaǵa saldy.
Jıyn barysynda Elbasymyzdyń Joldaýyn óńirimizde júzege asyrý jóninde arnaıy qarar jobasy usynyldy. Qarar mátinin jazýshy Marhabat Baıǵut tanystyryp, jınalǵandar biraýyzdan qabyldady.
J. Túımebaev oblysta Joldaýdy óńir turǵyndaryna keńinen túsindiretin aqparattyq nasıhat toptaryn qurýdy, medıa-jospar daıyndap, nasıhat jumystaryn jandandyrýdy júkteldi.
Budan bólek, oblystyq ekonomıka jáne bıýdjettik josparlaý basqarmasyna aǵymdaǵy jylǵy 25 qańtarǵa deıin Joldaýda kórsetilgen 10 mindetti oblys kóleminde júzege asyrý jóninde barlyq salalar boıynsha usynystardy jınaqtap, oblystyq is-sharalar josparyn ázirlep bekitý tapsyryldy.
