OQO-da «EKSPO» týraly ne bilemiz?» taqyrybynda oqýshylar pikir saıysy ótti

ShYMKENT. QazAqparat - Ońtústik Qazaqstan oblysy Otyrar aýdanyna qarasty Temir aýylyndaǵy «Temir» orta mektebinde el Táýelsizdiginiń 25 jyldyǵyna oraı «Ekspo» týraly ne bilemiz?» taqyrybynda mektep oqýshylarynyń pikir-saıysy bolyp ótti, dep habarlaıdy aýdan ákimdiginiń baspasóz qyzmeti.

Pikir saıysty uıymdastyrýshy Aqmaral Kókkózova arnaıy baıandama jasap, taqyryptyń mazmunyn ashyp berdi. Munan soń elimizde ótetin «EKSPO-2017» kórmesine baılanysty shaǵyn beınesıýdjet kórsetilip, 3 kezeńnen quralǵan pikir-saıysqa kezek berildi. Atalǵan sharada pikirlerin ortaǵa salǵan oqýshylar «EKSPO-2017» halyqaralyq kórmesiniń elimizge tıgizer paıdasy men mańyzy jóninde qyzý pikir almasyp, keleli oılaryn ortaǵa saldy. Pikir-saıysqa arnaıy qatysqan aýdan ákiminiń orynbasary Ryskeldi Álish ustazdar men oqýshylardy QR Táýelsizdiginiń 25 jyldyǵymen quttyqtap, kórmeniń elimizge ǵana emes, aýdanymyzǵa úlken paıdasy tıetindigin naqty mysaldarmen jetkizdi. Jıyn sońynda pikir saıysqa qatysqan aýyl aqsaqaldary shákirtterdiń talaptaryna rızashylyqtaryn bildirip, aq batasyn berdi. Aıta keteıik, keler jyly Astanada mamandandyrylǵan «EKSPO-2017» halyqaralyq kórmesi uıymdastyrylady. Mektep oqýshylary aıtýly shara jaıynda tolyq bilýleri úshin uıymdastyrylǵan pikir-saıys taǵlymdy boldy.