OQO-da ekskavatordy urlap, Qyrǵyzstanǵa satyp jibergender ustaldy
ShYMKENT. QazAqparat - Ońtústik Qazaqstan oblysynda ekskavatordy urlap, Qyrǵyzstanǵa satyp jibergender ustaldy. Óńirdiń tártip saqshylary osylaısha atyshýly qylmysty izin sýytpaı ashty, dep habarlaıdy QazAqparat HAA tilshisi.
Arnaıy tehnıka on kún buryn Ordabasy aýdanyndaǵy janar maı quıý beketteriniń birindegi avtoturaqtan urlanyp ketken bolatyn. Aýdandyq ishki ister basqarmasyna aryzdanǵan turǵyn sol kúni tańerteń ekskavatoryn Temirlan eldimekenindegi urlatyp alǵanyn kórsetken. Janar maı quıý beketiniń turaǵynda turǵan tehnıkasyn túndeletip belgisiz bireýler aıdap áketipti.
Osydan keıin aýdanda tájirıbeli polıtseıler jiberilip, jedel izdestirý sharalary júrgiziledi. Tártip saqshylary osy qylmysqa qatysy bar degen kúdikpen Saıram aýdanynyń eki turǵynyn ustaǵan. Qolǵa túskender qylmysty qalaı jasaǵandaryn tolyǵymen moıyndady. Aıtýlarynsha ekeýi jábirlenýshiden arnaıy tehnıkany jalǵa alyp, ony avtoturaqqa ákelip qoıýyn suraǵan. Qarańǵy túskende ekskovatordy urlap, jalǵan qujattarymen Qyrǵyzstanǵa satyp jiberipti. Sóıtip tapqan tabystaryn teńdeı bólip alǵan. Tergeý barysynda polıtseıler seziktilerdiń osyǵan uqsas taǵy bir qylmysqa qatystylyǵyn anyqtady. Qazirgi qos kúdikti de qamaýǵa alynyp, olardyń ústinen Qylmystyq kodekstiń «Tonaý» jáne «Alaıaqtyq» baptarymen is qozǵaldy. Tergeý amaldary júrgizilýde.
