OQO-da eki jasóspirim terrorıstik nasıhat júrgizgeni úshin sottalǵan

 Eki is boıynsha da kámeletke tolmaǵandardyń qylmystyq áreketi tolyǵymen dáleldenip, biri 5, ekinshisi 6 jylǵa bas bostandyqtarynan aıyryldy. Bul týraly búgin Kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy Serikbaı Tólepbergenov málimdedi, dep habarlaıdy QazAqparat HAA tilshisi.

Sot tóraǵasynyń sózinshe  bes  jyl ishinde 2221 qylmystyq is qaralyp, 560 sot úkimi shyǵarylǵan.  Jasóspirimderdiń  basym kópshiligi urlaý, tonaý, qaraqshylyq sııaqty dúnıeqorlyq qylmystarǵa urynǵan.

«Qylmystyń zaty retinde kóbinese uıaly telefondar, oıyn kompıýterleri, aqsha, kıim-keshekter jatady.  Jasóspirimder mundaı qylmystardy ádette eki-úsh adam bolyp, top bolyp jasap, jábirlenýshige kúsh kórsetip nemese kúsh kórsetemin dep qorqytyp jasaǵandyqtan, olardyń áreketteri aýyr qylmys retinde dárejelenedi. Kámeletke tolmaǵandardyń qylmysqa barýynyń negizgi sebepteri, jasóspirimderdiń belgili bir ispen shuǵyldanbaýy, turmystyq jáne materıaldy sıpattaǵy problemalar, ata-analary men oqý oryndary tarpynan baqylaýdy tıisti deńgeıde ornatpaýy bolyp otyr»,-dedi S. Tólepbergenov.

Atalǵan  sotpen pedofılderge qatysty 17 is qaralypty. Qylmystyń bul túri boıynsha jyldan jylǵa ósim baıqalady,- deıdi S. Tólepbergenov.   Kóp azamattar bolǵan oqıǵany ishki ister organdaryna habarlamaıdy eken.

«Bir oqıǵada kishkentaı qyz dúkenge  nan alýǵa barady da, qysqa beldemshe kıip alǵan satýshy 28-degi jigit onyń  jambasynan ustaıdy. Al, kókireginen ustaǵanda qolyn qaǵyp jiberedi. Ol úıine kelip jylaıdy. Mán-jaıdy bilgen anasy sol jigitke barady da, qyzdan keshirim sura dep aıtady. Keıinnen ol aryzdanyp, ishki ister qyzmetkerlerine barady. Tergeýshiler  dúkendegi vıdeokamerasynan qaraǵan kezde jigittiń anaıy áreketter jasaǵany kóringen. Sol jigit bes jylǵa bas bostandyǵynan aıyryldy»,-deıdi sot tóraǵasy.

Sot tóraǵasynyń aıtýynsha, ondaı jaǵdaılar boıynsha azamattar aryzdana bermeıdi, keshirimmen qaraı salady. Alaıda qazir zań boıynsha keshirim eskerile bermeıdi. Máselen, kámeletke tolmaǵandarǵa qatysty zorlaý  qylmystary boıynsha  qaralǵan 8 is boıynsha jábirlenýshi taraptyń keshirim berýine qaramastan  aıyptalýshylar  túrli merzimderge bas bostandyǵynan aıyrylǵan. ıAǵnı, 2012 jyldan bastap keshirim berý jaza taǵaıyndaýǵa  áser etpeıdi.