OQO-da eki kún ishinde 4 adam ys tıip kóz jumdy
ShYMKENT. QazAqparat - Ońtústik Qazaqstan oblysynda eki kún ishinde 4 adam ystan ýlanyp kóz jumdy. Qaıǵyly jaǵdaıdyń biri Shymkent qalasynda tirkelgen, dep habarlaıdy QazAqparat tilshisi.
Óńirdegi gaz sharýashylyǵy qyzmetiniń málimetinshe, 20 qańtar kúni túngi saǵat 02:40-ta Eńbekshi aýdandyq ІІB-den Shyǵys móltekaýdanyndaǵy páterlerdiń birinen úsh adamnyń máıiti tabylǵany týraly habarlama túsken. Aldyn ala boljam boıynsha 60 jastaǵy áıel men 42 jáne 33 jastaǵy er adam gazdyń ıisinen ýlanyp qaıtys bolǵan. Oqıǵa ornyna kelgen mamandar páterdegi gaz qurylǵylaryn ornatýda kemshilikter bolǵanyn anyqtady. ıAǵnı, turǵyndar eshbir ruqsat qaǵazynsyz sý jylytatyn qondyrǵy ornatyp alǵan. Ony ornatý kezinde de tıisti talaptar saqtalmapty.
Ekinshi jaǵdaı Saıram aýdanyna qarasty Qarasý aýylynda tirkelgen. Jeke úılerdiń birinde Gúldarıǵa Beıseeva esimdi áıel de gazdyń ıisinen ýlanyp qaıtys bolǵan. Oqıǵa ornyn qaraý barysynda mamandar jýynatyn bólmedegi sý jylytatyn qondyrǵyny ornatýda birqatar kemshilikterge jol berilgenin anyqtady.
