OQO-da EAEO naryǵyndaǵy básekelestikti retteý jaıy talqylandy
ShYMKENT. QazAqparat - Ońtústik Qazaqstan oblysy ákimdiginde Eýrazııalyq ekonomıkalyq komıssııanyń Básekelestik jáne monopolııaǵa qarsy retteý jónindegi mınıstri Nurlan Aldabergenovtyń qatysýymen májilis ótti, dep habarlaıdy oblys ákimdiginiń baspasóz qyzmeti.
Jıynǵa tóraǵalyq etken oblys ákimi Janseıit Túımebaev Eýrazııalyq ekonomıkalyq odaqtyń búkil qazaqstandyq kásipkerlerge úlken naryqqa jol ashqanyn jetkizdi.
«Odaqqa múshe bolǵanǵa deıin oblysymyzdyń Reseımen syrtqy saýda aınalym kólemi 2010 jyly 225,3 mln. AQSh dollaryn qurasa, ótken jyly bul kórsetkish 3,4 esege artyp 756,6 mln. AQSh dollaryna deıin jetken. Onyń ishinde, eksport 5,8 esege ósse, ımport 2,2 esege kóbeıgen»,-dedi oblys ákimi.
Óz kezeginde, sóz alǵan N.Aldabergenov ózi jetekshilik etetin komıssııadaǵy Eýrazııalyq ekonomıkalyq odaq aıasynda básekelestikti retteý máseleleri týraly baıandama jasady.
Jıyn barysynda, oblystaǵy tarıfterdiń qalyptasýy boıynsha aımaq basshysynyń orynbasary Jaqyp Bókenbaev baıandama jasady. Onda ol Ońtústik Qazaqstan oblysynda elektr energııasy tapshy ekenin aıtyp, kemshin bóligi respýblıkanyń ózge aımaqtarynan tasymaldanatynyn jetkizdi.
Sondaı-aq, J.Bókenbaev Ońtústik Qazaqstan oblysynda tutynylatyn jyldyq 1 mlrd. m3 tabıǵı gazdyń 65 paıyzyn óndiristik mekemeler men shaǵyn orta bıznes ókilderi paıdalanatynyn atap ótti.
ıAǵnı tarıf baǵasy, shyǵarylatyn taýarlardyń ózindik qunynyń ósýine alyp keletini ras. Al aýyz sý jáne jylý qyzmetteriniń tarıfteri óndiriletin ónimniń ózindik qunyna, onyń taýar aınalymyndaǵy baǵasynyń joǵary bolýyna aıtarlyqtaı áserin tıgizbeıdi eken.
Ońtústik Qazaqstanda tabıǵı gaz ben elektr energııasynyń tarıfterin qaıta qaraý kerektigin aıtqan Nurlan Aldabergenov Eýrazııalyq ekonomıkalyq odaq naryǵyna shyǵarylatyn básekege qabiletti ónimderdiń qataryn kóbeıtý qajettigine nazar aýdardy.
Májiliste joǵaryda atalǵan máselelerge qatysty tabıǵı gaz ben elektr energııasy tarıfin múmkindiginshe tómendetip, elimizdegi aımaqtar arasyndaǵy baǵalyq aıyrmashylyqty azaıtý maqsatynda biryńǵaı baǵany ázirlep bekitý jáne shaǵyn jáne orta bıznesti qoldaý maqsatynda kommýnaldyq tarıfterdi sýbsıdııalaýdy engizý jaıy usynyldy.
