OQO-da dinı ekstremızm men terrorızm máseleleri talqylandy

ShYMKENT. QazAqparat - Ońtústik Qazaqstanda oblys prokýrory jáne oblys ákiminiń tóraǵalyq etýimen zańdylyqty, quqyqtyq tártip pen qylmysqa qarsy kúresti qamtamasyz etý jónindegi Úılestirý keńesiniń jáne terrorızmge qarsy kúres komıssııasynyń birlesken májilisi ótti. Jıynǵa oblystyq, aýdandyq jáne qalalyq deńgeıdegi quqyq qorǵaý jáne memlekettik organdardyń birinshi basshylary qatysty, dep habarlaıdy QazAqparat tilshisi.

Úılestirý keńesiniń otyrysynda dinı ekstremızm men terrorızmge qarsy ýákiletti organdar tarapynan qoldanylǵan is-qımyl sharalarynyń tıimdiligine júrgizilgen taldaý nátıjeleri talqylandy. Jıynǵa qatysqandar dástúrli emes dinı aǵymdardyń qyzmetine tosqaýyl qoıyp,  tabynýshylardyń betburysyn dástúrli dinge ótkizý jaıyn talqylady. Dinı ahýaldy jaqsartý tetikterin qarap, prokýratýramen ázirlengen quzyrly organdardyń ózara áreket etý algorıtmderi nazarǵa usynyldy.

Sonymen qatar, prokýratýranyń bastamasy negizinde oblystaǵy etnosaralyq jaǵdaıdy turaqtandyrý men ultaralyq qaqtyǵystardyń aldyn alý jáne boldyrmaý máselesi de sóz boldy.

Atalǵan baǵyttarda óńirdegi problemalyq máselelerge nazar aýdarylyp, olardy sheshý joldary boıynsha prokýratýra tarapynan oblys ákimine birneshe usynystar berildi. Onyń negizinde, jergilikti atqarýshy organdarda arnaıy qurylymdar qurý, neǵurlym qaýip baıqalatyn óńirlerde teologtardy kóbeıtip, turaqty jumysyn uıymdastyrý qajettigi aıtyldy. Jekelegen qala, aýdan prokýratýralarynda mekemearalyq Ortalyqtar qurý qarastyryldy. Qatysýshylar tarapynan da birqatar usynystar berildi. Oblys ákimi tarapynan usynystar qoldaý taýyp, ózimen metodıkalyq-ádistemelik quraldardy daıyndaý maqsatynda jumysshy toptar qurý usynyldy.   

Májilis qorytyndysymen quqyq qorǵaý jáne memlekettik organ basshylaryna naqty tapsyrmalar belgilenip, uıymdastyrýshylyq turǵyda birqatar sheshimder qabyldandy.