OQO-da depýtat aýyldaǵy qıraǵan kópirdiń ornyna jańasyn salyp berdi
ShYMKENT. QazAqparat - Ońtústik Qazaqstan oblysynda máslıhat depýtaty Áset Qaıypbekov 300-deı tútini bar Eltaı aýylyna ıgi is jasady. Halyq qalaýlysy aýyldyń kire berisindegi qıraǵan kópirdiń ornyna jańasyn salyp berdi, dep habarlaıdy QazAqparat tilshisi.
Rýhanı jańǵyrýdy atamekenge qol ushyn sozýdan bastaǵan depýtattyń ıgilikti isine jergilikti turǵyndar rızashylyǵyn bildirdi. Sebebi, jarty ǵasyrdan astam ýaqyt tarıhy bar ótkeldiń buzylǵanyna biraz jyldar bolǵan. Ol arqyly 1500-ge jýyq aýyl balalary ótip, mektepke qatynaıdy. Eski kópir ásirese, bastaýysh synyp oqýshylary úshin úreıli edi. Olardy muǵalimderdiń ózi birtindep, jetektep ótkizetin. Biraq aýyl turǵyndary qıraǵan kópirmen ótý balalaryna qaýipti ekenin bile tura ony jóndeı almaı kelgen.
Aıta keteıik, oblystyq máslıhattyń depýtaty Áset Qaıypbekovtyń jerlesterine jasaǵan eńbegi bul ǵana emes. Buǵan deıin ol ózi týyp ósken aýylǵa meshit salyp berip, demalys saıabaqtarynyń salynýyna muryndyq bolǵan edi.
