OQO-da «Densaýlyq joly» kerýeni jolǵa shyqty
ShYMKENT. QazAqparat - Ońtústik Qazaqstan oblysynda «Densaýlyq joly» kerýeni jolǵa shyqty. Quramynda san túrli dárigeri bar mobıldi top apta boıy syrqaty syr berip, derti dendegen turǵyndarǵa tegin medıtsınalyq qyzmet kórsetedi, dep habarlaıdy QazAqparat HAA tilshisi.
Osylaısha elimizdegi otandyq medıtsına shalǵaıdaǵy aýyl turǵyndary úshin de qoljetimdi bola tústi. Dárigerler sapary 12 aýdan men Kentaý, Túrkistan qalalaryn qamtıdy. Bul joly mamandar artyq dene salmaǵy men semizdiktiń qaýpin tómendetý maqsatynda nasıhat jumystaryn júrgizedi. Durys tamaqtaný men jetkilikti dene belsendiligine baılanysty keńester beredi. Terapevt, pedıatr, endokrınolog, onkolog, kardıolog, nevropatolog syndy dárigerler turǵyndardy skrınıngtik tekserýden ótkizip, áleýmettik mańyzy zor aýrýlardyń aldyn alýǵa úndeıdi.
Aıta keteıik, sala mamandary barlyq qajet jabdyqtarmen qamtylǵan. Sondyqtan, bul tekserýdiń nátıjeleri otandyq medıtsına úshin joǵary ári mańyzdy bolmaq.
«Densaýlyq joly» kerýenindegi dárigergerler turǵyndardy jan-jaqty medıtsınalyq tekserýden ótkizedi. Salaýatty ómir saltyn nasıhattap, aýrýlardyń aldyn alý joldaryn túsindiredi. Bıylǵy tujyrymdama boıynsha, juqpaly aýrýlardyń, semizdiktiń aldyn alý maqsatynda 4 baǵyt boıynsha mamandar aýdanda kómek kórsetpek. Turǵyndar úshin qajetti málimetter men medıtsınalyq anyqtamalyqtar taratylady. Kez-kelgen azamatqa tegin konsýltatsııalar júrgiziledi», - deıdi Oblystyq densaýlyq saqtaý basqarmasynyń basshysy Muqan Egizbaev.
