OQO-da demalys kúnderi 5 jol apaty bolyp, 4 adam qaza tapty
ShYMKENT. QazAqparat - Ońtústik Qazaqstan oblysynda demalys kúnderi 5 jol apaty bolyp, 4 adam qaza tapty. Taǵy 3 adam túrli dene jaraqatyn alǵan, dep habarlaıdy QazAqparat tilshisi.
Oblystyq ishki ister departamenti baspasóz qyzmetiniń habarlaýynsha, Almaty-Tashkent-Termez avtojolynda «Aýdı V4» avtokóliginiń 41 jastaǵy júrgizýshisi rýldi ıgere almaı, qorshaýmen soqtyǵysqan. Saldarynan kóliktiń ishindegi aýyr soqqydan jaraqat alǵan 38 jáne 44 jastaǵy eki jolaýshy oqıǵa ornynda qaza tapty. Al, júrgizýshi aýdandyq aýrýhanaǵa jetkizildi. Qazirgi tańda júrgizýshiniń ústinen Qylmystyq kodekstiń 345 baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha is qozǵalyp, sotqa deıingi tergeý amaldary júrgizilýde.
