OQO-da dárilik shópterdi jınap, Qytaıǵa satatyn aýǵandyqtar ustaldy
ShYMKENT. QazAqparat - Ońtústik Qazaqstan oblysynyń Saryaǵash aýdanynda shekaralyq aýmaqtan dárilik shóp terip júrgen 32 sheteldik azamat ustaldy. Bul týraly Saryaǵash shekara beketiniń baspasóz qyzmeti málimdedi, dep habarlaıdy QazAqparat HAA tilshisi.
«Saryaǵash shekara otrıadynyń qyzmetkerleri Saryaǵash aýdany boıynsha UQK apparatymen birlesip, osy aýdanǵa qarasty Sattarov eldi mekeninen 18 shaqyrym jerde kóshi-qon zańnamasy erejesin buzǵan Aýǵanstannyń 32 azamatyn qolǵa túsirdi. Olar Memlekettik shekaraǵa jaqyn jerden sasyq qýraı dárilik shópti terip júrgen. Ustalǵandardyń qujattaryn tekserý barysynda olarǵa tek jumys isteýge ǵana ruqsat berilgeni anyqtaldy», dep málim etti QR UQK ShQ baspasóz qyzmeti.
Aýǵandyqtar bul aýmaqta júrgenine bir aıǵa jýyqtapty. Sodan beri jınalǵan shópterdi Qytaıǵa ótkizip, tabys tappaq bolǵan. Onyń tonnasy 20 myń AQSh dollary turady. Qazir naqty qansha ósimdik jınalǵany anyqtalyp jatyr. Al, sheteldikter Saryaǵash aýdandyq ІІB tapsyrylǵan.
Aıta keteıik, bul aýǵandyqtardyń alǵash ret ustalýy emes. Buǵan deıin shekarashylar Saryaǵash aýdanynyń Bozaryq aýylynda atalǵan dárilik shópterdi terip júrgen 19 sheteldikti ustap, elderine qaıtarǵan bolatyn.
