OQO-da dárigerler sýıtsıd jasaǵan eki jasóspirimdi aman alyp qaldy
ShYMKENT. QazAqparat - Ońtústik Qazaqstan oblysynda dárigerler sýıtsıdke barǵan eki jasóspirimdi aman alyp qaldy. Ómirimen qosh aıtqysy kelgender Arys aýdany men Shymkent qalasynda turatyn mektep oqýshylary bolǵan, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimetinshe, 16-shy sáýir kúni Arys aýdandyq aýrýhanasyna ýystap dári ishken jasóspirim qyz túsken. Onyń jaǵdaıy aýyr halde bolǵan ári esinen tanyp qalǵan eken. Dárigerler oǵan tez arada alǵashqy medıtsınalyq kómek kórsetip, asqazanyn shaıǵan. Qajetti em-dom jasalǵan soń, qyz balanyń beti beri qaraǵan. Qazir ol aýrýhana tósegine tańylyp, dárigerlerdiń baqylaýyna alyndy.
Al, sýıtsıd jasaǵan ekinshi jasóspirim 10-synyp oqýshysy. Ony 15 sáýir kúni ulynyń asylyp turǵanyn baıqap qalǵan ata-anasy dereý jedel járdem qyzmetin shaqyrtqan. Qalalyq jedel járdem aýrýhanasyna jetkizilgen balaǵa tıisti emdik sharalar jasalyp, dárigerler jetkinshekti aman alyp qaldy. Mamandardyń sózinshe, qazir jasóspirimniń ómirine qaýip tónip turǵan joq. Jaǵdaıy jaqsarǵan oqýshy búgin úıine shyǵaryldy. Onymen endi psıhologtar jumys isteıtin bolady.
