OQO-da BUU halyqtyń qonystanýy salasyndaǵy qorynyń ókildigin ashý usynyldy
Kezdesý barysynda taraptar ana men bala ólimin azaıtý, genderlik teńdikdi saqtaý, turmys jaǵdaıyndaǵy zorlyq-zombylyqty boldyrmaý jóninde ózara pikir almasty. Sondaı-aq, tyǵyz qarym-qatynasta jumys isteý maqsatynda Ońtústik Qazaqstan oblysynan atalǵan qordyń ókildigin ashý máselelerin talqylady. Óz kezeginde sóz alǵan óńir basshysy Djýlııa Vallezeni jańa qyzmetimen quttyqtap, aldaǵy atqarar jumystaryna sáttilik tiledi.
«Ońtústik Qazaqstan oblysy Qazaqstandaǵy demografııalyq ahýaly óte joǵary óńir sanalady. Bizde jylyna 80 myńǵa jýyq sábı dúnıege keledi. Qazaq halqynyń negizgi shoǵyry da bizde ornalasqan. 3 mıllıonǵa jýyq halqy bar óńirde analardyń úles salmaǵy 50 paıyzdy quraıdy. Sondyqtan oblysymyzda ana men bala ólimin azaıtý máselesine erekshe mán berilip keledi. Osy rette siz basqaryp otyrǵan qordyń Ońtústik Qazaqstan oblysynda óńirlik ókildigin ashýdy usynǵan bolar edim», - dedi Janseıit Qanseıituly.
Óz kezeginde sóz alǵan Djýlııa Valleze qordyń ana men balanyń reprodýktıvti densaýlyǵyn jaqsartý, genderlik teńdik pen demografııalyq máselelerdi qamtý salalaryndaǵy negizgi mıssııalaryn baıandap berdi.
«Biz mán beretin negizgi máseleniń biri - ana men bala densaýlyǵyn saqtaý. Osy rette analardyń bosaný kezindegi qaýiptiligin qamtamasyz etip, josparly júktilik máselesine mán beremiz. Jastardyń ana bolýǵa degen daıyndyq jumystaryn kúsheıtip, genderlik teńdikti saqtaýǵa, halyqtyń demografııalyq ósimine saraptama jasap otyrýdy maqsat tutamyz. Joǵaryda aıtylǵan jumystardy birlesip atqarý maqsatynda yntymaqtastyqta birigip jumys isteýge nıet bildirip otyrǵandaryńyzǵa alǵys bildiremin», - dedi Djýlııa Valleze.
Kezdesý barysynda Ońtústik Qazaqstan oblysy ákimdigi men BUU halyqtyń qonystanýy salasyndaǵy ıÝNFPA qory arasynda ózara túsinistigi jaıly memorandýmǵa qol qoıyldy. Taraptar jergilikti densaýlyq saqtaý júıesiniń áleýetin, ana men bala densaýlyǵyn qorǵaý boıynsha keshendi baǵdarlamany birlesip iske asyrý jóninde mámilege keldi. Sondaı-aq taraptar genderlik zorlyqqa vedomstvoaralyq áreket etý júıesin engizý arqyly turmystyq zorlyqtyń aldyn alý boıynsha basqarý áleýetin nyǵaıtýǵa ýaǵdalasty.
