OQO-da burynǵy túlekter ózderi bilim alǵan mektepte jóndeý jumystaryn júrgizip jatyr
ShYMKENT. QazAqparat - Ońtústik Qazaqstan oblysy Shardara aýdanynda bilim uıasynan osydan 10 jáne 20 jyl buryn qanat qaqqan túlekter Elbasynyń «Týǵan jer» baǵdarlamasyn iske asyra bastady. Qos mekteptiń shákirtteri ózderi bilim alǵan synyptaryn jóndeýden ótkizip, qajetti jabdyqtaryn alyp berip jatyr, dep habarlaıdy QazAqparat HAA tilshisi.
Atap aıtqanda, Muhtar Áýezov atyndaǵy jalpy orta mekteptiń túlekteri synyp bólmelerin áktep-syrlap, kelesi jańa oqý jylyna daıarlap qoıdy. Al, Shardara mektep-lıtseıiniń túlekteri bilim ordasynyń oqý zalyn kúrdeli jóndeýden ótkizýde. Bos synypty arnaıy qural-jabdyqtarmen toltyryp, kólemdi sport zalyna aınaldyrdy. Al, 10 jyldyq túlekter bolsa, zamanaýı úlgidegi jýynatyn bólmelerdi jabdyqtap, ózderinen keıingi býynǵa qolaıly jaǵdaı jasady.
Shardara aýdanynda mektepten túlep ushqan azamattar osylaısha ózgelerge ónege bolatyn bastama kóterip, úlken is tyndyrdy. Aıta ketý kerek, týǵan jerge týyn tigip, azamattyq is jasaǵan túlekterdiń búginde balalary da osy mektepte bilim alady. Keleshekte olar da ata-analary salǵan sara jolmen júrip, tárbıeli tulǵa bolyp qalyptasady degen senim mol.
