OQO-da býkmekerlik keńsege qaraqshylyq shabýyl jasaǵandar ustaldy
ShYMKENT. QazAqparat - Ońtústik Qazaqstan oblysy, Saryaǵash aýdanynda býkmekerlik keńsege qaraqshylyq shabýyl jasaldy. Kúdiktiler keńse qyzmetshisin qorqytyp, kassadan 100 myń teńge somasyndaǵy aqshany alyp ketken, dep habarlaıdy QazAqparat tilshisi.
Atalǵan qylmys týraly aýdandyq ishki ister basqarmasyna jergilikti turǵyndardyń biri aryzdanǵan. Qylmysty ashý maqsatynda tájirıbeli polıtseıler qatarynan jedel-tergeý toby qurylyp, osy jáıtke qatysy bar degen kúdikpen úsh turǵyn ustaldy. Tergeý kezinde seziktilerdiń osyndaı taǵy eki qylmysqa qatysy barlyǵy anyqtaldy.
Aıtýlarynsha, olar keńse basshylarynyń qamsyzdyǵyn jáne kúzettiń joqtyǵyn paıdalanyp, ishke kirip otyrǵan. Sóıtip ondaǵy qyzmetkerlerge qarý kezenip, kúsh qoldaný arqyly aqshalaryn alyp ketken. Qazirgi tańda atalǵan jaıt boıynsha sotqa deıingi tergep-tekserý amaldary júrgizilýde.
