OQO-da brakonerlerden «Qyzyl kitapqa» engen 3 Túrkistan qaıazy tárkilendi
ShYMKENT. QazAqparat - Ońtústik Qazaqstan oblysynda brakonerlerge qarsy «Ýyldyryq» jedel aldyn alý is-sharasy júrgizilip, Arys-Túrkistan kanalynda zańsyz balyq aýlaǵan jergilikti turǵyn ustaldy. Polıtseıler 57 jastaǵy kúdiktini tintý barysynda odan 30 keli balyq tárkiledi. 3 Túrkistan qaıazy tabylǵan, dep habarlaıdy QazAqparat HAA tilshisi.
«Qyzyl kitapqa» engen balyqty aýlaǵany úshin kúdiktiniń ústinen Qylmystyq kodekstiń 339-baby «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» boıynsha qylmystyq is qozǵaldy. Sotqa deıingi tergeý amaldary júrgizilýde.
Eske salsaq, aǵymdaǵy jyldyń 10 sáýirinen bastap OQO ІІD Jergilikti polıtsııa qyzmetkerleri oblys aýmaǵynda balyq ýyldyryq shashatyn kezeńde brakonerliktiń jolyn kesý, zańsyz balyq aýlaýdy boldyrmaýǵa baǵyttalǵan «Ýyldyryq» jedel aldyn alý is-sharasy ótip jatyr. Atalǵan shara barysynda zańsyz balyq aýlaý boıynsha 6 ekologııalyq qylmys tirkelip otyr. Sý janýarlaryna qatysty quqyq buzýshylyq jasaǵan azamattarǵa 90-nan asa ákimshilik hattama toltyryldy. Quqyqbuzýshylarǵa mıllıon teńgeden asa aıyppul salynǵan.
