OQO-da bokstan álem chempıony atanǵan Qaırat Eralıevke kólik mingizdi
ShYMKENT. QazAqparat - Ońtústik Qazaqstan oblysynyń boks federatsııasy álem chempıony atanǵan Qaırat Eralıevke kólik syılady. Marapattan bapkeri Myrzaǵalı Aıtjanov ta qur qalmady, dep habarlaıdy QazAqparat HAA tilshisi.
Federatsııa basshylyǵy álem chempıonyna arnaıy qurmet kórsetip, «Toıota Kamrı-55» avtokóligin tartý etti. Qosymsha aqshalaı syı jasaldy. Sportshynyń bapkeri Myrzaǵalı Aıtjanov ta dál osyndaı temir tulpar minip qaıtty. Budan bólek, Qazaqstannyń boks boıynsha ulttyq quramanyń bas bapkerine aýyldastary at mingizip, ıyǵyna shapan japty.
Al, qola medal ıesi Erjan Jomart pen onyń jeke bapkerine aqshalaı syılyq jasady. Sonymen qatar, ońtústiktiń negizgi komandasy Konfederatsııa Kýbogynda topty jarǵany úshin alǵys retinde sporttyq kıim aldy.
Aıta keteıik, Gambýrgte bokstan áýesqoılar arasynda ótken HІH álem chempıonatynda Qazaqstan quramasy 1 altyn, 2 kúmis, 3 qola júldeni oljalap, jalpykomandalyq esepte 3-shi orynǵa turaqtaǵan bolatyn. Dúbirli dodada ońtústikqazaqstandyq boksshy Qaırat Eralıev altyn medaldi jeńip alyp, álem chempıony atandy.
