OQO-da bizdiń zamanǵa deıingi birinshi ǵasyrǵa tıesili jádigerler tabyldy

ShYMKENT. QazAqparat - Ońtústik Qazaqstan oblysy, Báıdibek aýdanynda bizdiń zamanymyzǵa deıingi birinshi ǵasyrǵa tıesili jádigerler tabyldy. Arys ózeni mańynan ejelgi dáýir tıyndary men astyq saqtaıtyn qumyra shyqqan. Arheologtar sondaı-aq top bolyp jerlengen adamdardyń aty-jónderi jazylǵan taqtaıshany qazyp aldy, dep habarlaıdy QazAqparat HAA tilshisi.

«Tabylǵan tıynda Qushan memleketiniń bıleýshisi Vıma Takto attyń ústinde beınelengen. Dál osy tıyn Qańly memleketiniń qaı ǵasyrlarda bolǵany men ejelgi qalanyń qaı kezderge tıesili ekenin anyqtap berdi. ıAǵnı, tıyn bizdiń zamanymyzǵa deıingi birinshi ǵasyrdyń 80-90-shy jyldarynda paıdalanylǵanyn dáleldeıdi»,-deıdi arheolog Konstantın Hýdoerko.


Onyń sózinshe, Vıma Takto dál osy jyldary eldi basqarǵan kisi bolǵan. Al tıynnyń ekinshi betinde Qushan patshalyǵynyń bıleýshisi beınelengen. Osy tıyndar sol dáýirdegi Qushan patshalyǵy men Qańly memleketiniń arasynda saýda-sattyq bolǵanyn kórsetip otyr. Arheologtar tarıhı orynnan tabylǵan qóne buıymdar da osy ǵasyrǵa tıesili degendi aıtady.

Qazir arheologtar Ordabasy aýdanyna qarasty Sary aryq aýyly mańynda qazba jumystaryn júrgizýde. Tarıhqa súıensek osy jer Ǵundar memleketiniń meken etken aýmaǵy sanalady. Bul jerden tabylǵan jádigerler ábden zerttelip bolǵan soń Ulttyq mýzeıge qoıylady dep kútilýde.