OQO-da bıylǵy oqý jylynda 40 bala qujatsyz bilim alyp kelgen
ShYMKENT. QazAqparat - Ońtústik Qazaqstan oblysynda bıylǵy oqý jylynda 40 bala qujatsyz bilim alyp kelgen. Bul týraly óńirdegi «Sana sezim» áıelder bastamalary quqyqtyq ortalyǵynyń vıtse-prezıdenti Shahnoza Hasanova málimdedi, dep habarlaıdy QazAqparat tilshisi.
BAQ ókilderimen bolǵan brıfıngte ortalyq basshylyǵy 2017-208 jyldary oblysta 561 adamnyń qujatsyz júrgenin atap ótti. Olardyń 120-sy balalar ekeni belgili bolyp otyr. Al, mektepterde qujatsyz bilim alǵan balalarǵa taldaý jasalǵanda túrli máseleler sebep bolǵany anyqtalǵan.
«Keıbiriniń ata-anasynda qujat bolmasa, endi biriniń áke-sheshesi eski Keńes dáýirindegi tólqujatpen júrgeni anyqtalǵan. Keıbir azamattar nekelerin rásimdemegen soń, balalaryn da qujattandyrmaǵan. Osy syndy túrli áleýmettik máseleler jasóspirimderdiń týý týraly kýálik almaýyna sebep bolyp otyr», - deıdi Shahnoza Hasanova.
Ortalyqtyń tikeleı aralasýymen qazir 203 adam qujattandyrylǵan. Onyń ishinde 51-i - balalar.
