OQO-da bıyl jylyjaılar kólemi 200 gektarǵa artady
ShYMKENT. QazAqparat - Qazaqstandyǵa jylyjaılardyń 80 paıyzy Ońtústik Qazaqstan oblysynyń aýmaǵynda ornalasqan. Ótken jyly jylyjaı kólemi óńirde jylyjaılardyń aýmaǵy 202 gektarǵa jetip, mejelengen jospardan 9 paıyzǵa artqan, dep habarlaıdy QazAqparat tilshisi.
Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri atty» Joldaýynda agrarlyq saıasat eńbek ónimdiligin túbegeıli arttyrýǵa jáne óńdelgen ónimniń eksportyn ulǵaıtýǵa baǵyttalýy kerektigin atap ótken bolatyn. Osyǵan oraı oblys ákimi Janseıit Túımebaev sala jetekshilerine 2018 jyly jylyjaılar kólemin 200 gektarǵa arttyrý kerektigin tapsyrdy. Búginde aımaqtaǵy jylyjaılar Saryaǵash aýdanynda - 72,21 gektar, Qazyǵurt aýdanynda 29 gektar, Túrkistanda - 18,27 gektar, Ordabasy aýdanynda - 16,05 gektar aýmaqty alyp jatyr. 
Aıta keterligi, oblysta kókónis ósirýmen aınalysatyn, elimizdegi eń iri «Adelıa» jylyjaı kesheni jumys isteýde. «Agrobıznes 2020» baǵdarlamasy boıynsha iske qosylǵan bul jobanyń ınvestıtsııalyq quny - 5,3 mlrd teńgeni quraıdy. Jalpy aýmaǵy 16 gektar bolatyn keshende jylyna 8,4 myń tonna ónim jınalady. Onyń 70 paıyzy elimizdiń naryǵyna shyǵarylsa, qalǵan 30 paıyzy Reseıge eksporttalady. Budan bólek, Qazyǵurt aýdanyndaǵy jylyjaı kesheninde sharýalar qyzǵaldaq egýmen aınalysyp keledi. Aýmaǵy 2,5 gektar bolatyn keshende ótken jyly 45 myń dana gúl ósirildi.
Jalpy oblystyq statıstıka departamentiniń málimetinshe, ótken jyly óńirdegi jylyjaı alqabynan 114,3 myń tonna kókónis ónimderi jınalǵan. Onyń ishinde, 62,6 myń tonnasy qyzanaq, 51,7 myń tonnasy qııar bolyp otyr.
