OQO-da bıyl tórtinshi úshem ómirge keldi
ShYMKENT. QazAqparat - Ońtústik Qazaqstan oblysynda taǵy da úshem dúnıege keldi, dep habarlaıdy QazAqparat tilshisi.
Múslim, Islam jáne Imran dep at qoıylǵan balalardy Maqtaaral aýdanynyń turǵyny Qarlyǵash Qabylova ómirge ákeldi. Baqytty ana osymen úshinshi ret bosandy, úshemdi úıinde aǵasy men ápkesi kútip otyr.
Sábıler 3 júktiliktiń 35-shi aptasynda týdy, olardyń salmaǵy 2-2,5 kg aralyǵynda. Dárigerler eki apta boıy olardyń densaýlyǵyn muqııat baqylady.
Qazir sábılerdiń jaǵdaıy turaqty, anasy olardy ózi emizip jatyr. Balalardyń ata-anasy erekshe qamqorlyq kórsetken Shymkenttegi №4 oblystyq perınataldyq ortalyq dárigerlerine alǵys aıtady.
Eske sala keteıik, osymen bıyldyń ózinde tórtinshi ret úshemder ómirge keldi. Statıstıkalyq málimetterge qaraǵanda, oblysta jyl saıyn 7-13 úshem týady. Sońǵy 10 jylda úshemder sany 81-ge jetken.
Aıtpaqshy, osy perzenthanada úshemmen qatar osy aptada 4 egiz dúnıege keldi.
