OQO-da bıyl shegirtkege qarsy kúres sharalary 350 myń gektar aýmaqqa júrgiziledi
ShYMKENT. QazAqparat - Ońtústik Qazaqstan oblysy boıynsha aǵymdaǵy jyly úıirli shegirtke tektes zııankesterge qarsy hımııalyq kúres sharalary jalpy 350,046 myń gektar aýmaqqa júrgiziletin bolady. Bul týraly búgin OQO óńirlik kommýnıkatsııalar qyzmetinde ótken brıfıngte QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń OQO aýmaqtyq ınspektsııasynyń basshysy Nurjan Kashkenov málim etti, dep habarlaıdy óńir basshysynyń baspasóz qyzmeti.
Sonymen qatar, maqta kóbelegine qarsy 35,75 myń gektar, al órmekshi kenesine qarsy 16,45 myń gektar kólemge hımııalyq óńdeý jumystary júrgizý josparlanýda. Óńir basshysy J.Túımebaevtyń tapsyrmasyna sáıkes aımaqta atalǵan másele tolyq qadaǵalaýǵa alynyp otyr.
«Oblys ákiminiń «Asa qaýipti zııandy organızmdermen kúresý úshin uıymdastyrý jáne úılestirý jumystaryn júrgizetin shtab qurý týraly» ókimi shyqan bolatyn. Osyǵan baılanysty aýdan ákimderiniń shtab qurý boıynsha qaýlylary shyǵaryldy. Sondaı-aq, oblystyq aýmaqtyq ınspektsııa tarapynan marokko shegirtkesine qarsy jumys júrgizýge aýdandarda 19 top qurylyp, 48 ınspektor jáne 19 avtokólik qarastyrylyp otyr», - dedi Nurjan Quttybekuly.
Inspektsııa basshysynyń aıtýynsha, «Respýblıkalyq fıtosanıtarlyq dıagnostıka jáne boljamdar ádistemelik ortalyǵynyń» oblystyq fılıalynan 120-ǵa jýyq maman men 78 qyzmettik avtokólik bólinetin bolady. Aýdan ákimdikteri tarapynan qosymsha 277 anyqtaýshy jumyldyrylyp, 50 jumys toby qurylǵan.
Al hımııalyq óńdeý sharalaryna 91 ÝMO, 1 gazogenerator agregaty, 8 AN-2 ushaǵy, 66 aspaly búrikkish apparatyn jumyldyrý josparlanýda. Sondaı-aq, 43 sý tasýshy tehnıka jáne pestıtsıdterdi eritýge qajet 91 sý kózderi daıyndalatyn bolady.
Aıta keterligi, 2018 jyldyń birinshi jartyjyldyǵynda ósimdikterdi qorǵaý salasy boıynsha 70-ke jýyq sýbektige ishinara tekserý júrgizý josparlanǵan. Bul byltyrǵy jyldyń osy kezeńimen salystyrǵanda 2,2 esege artyp otyrǵandyǵyn kórsetip otyr.
