OQO-da bıyl 73 myń bala alǵash ret mektepke barady
ASTANA. QazAqparat - Bul týraly OQO óńirlik kommýnıkatsııalar qyzmetinde ótken jańa 2017-2018 oqý jylyna daıyndyq barysy týraly baspasóz konfentsııasynda oblys ákiminiń orynbasary Ulasbek Sádibek málim etti, dep habarlaıdy ákimniń baspasóz qyzmeti.
Onyń aıtýynsha, bilim kúninde oblysta qurylys jumystary aıaqtalǵan jańa 20 mektep ǵımaraty paıdalanýǵa beriledi. Al onyń 6-ýy jańadan ashylyp, óńirdegi orta mekteptiń sany 1021-den 1027-ge jetip otyr. Sondaı-aq, ol 7 jekemenshik mektep jumys isteıtindigin atap ótti.
Baspasóz konferentsııasynda málim bolǵandaı jalpy oblysta 79 bilim berý nysandarynyń qurylysy júrgizilip jatyr eken. Onyń jyl basynan beri 7-ýi tapsyrylsa, 22-si jyl sońyna deıin paıdalanýǵa berilmek. Al qalǵan 58-i keler jylǵa ótpeli. Osynyń nátıjesinde osy jyly 8 apatty jáne 12 úsh aýysymdy mektepterdiń máselesi sheshiledi.
«Ońtústik Qazaqstan oblysynda bilim berý uıymdarynyń jańa oqý jylyna daıyndyq jumystary josparly túrde júrgizilýde. Óńirdegi 1034 mektepte jańa oqý jylynda 640 myńǵa jýyq oqýshy bilim alady dep kútilse, onyń 73 myńy birinshi synypqa barady dep josparlanýda», - dedi U.Sádibekov.
Oqýlyqpen qamtamasyz etý jaıyn baıandaǵan aımaq basshysynyń orynbasary tamyzdyń 20-na deıin barlyq mektepter qajetti kitappen qamtylatynyn aıtty.
«Jańartylǵan bilim berý mazmunyna saı jáne 2, 5, 7 synyptardyń kóshýine baılanysty, 3,5 mln-ǵa jýyq kitapty satyp alýǵa jergilikti bıýdjetten 4,5 mlrd. teńge bólindi. Búgingi tańda 2 mln-ǵa jýyq kitap mektepterge jetkizilgen. ıAǵnı 56 paıyz, al qalǵan kitaptar tamyzdyń 20-na deıin tolyq jetkiziletinin bolady», - dedi U.Sádibekov.
Sondaı-aq oblystaǵy mektepterdi jańa oqý jylyna daıyndaý maqsatynda jergilikti bıýdjet esebinen 897 mektepte aǵymdaǵy jóndeý jumystaryn júrgizilse, búgingi kúnge 847-sinde jóndeý jumysy aıaqtalǵan.
Al 43 mektepte júrgizilip jatqan kúrdeli jóndeý jumystary 25 tamyzda aıaqtalady dep josparlanýda.
