OQO-da bıyl 6500 otbasyǵa qaıyrymdylyq kómek berildi

ASTANA. QazAqparat - QMDB-nyń Ońtústik Qazaqstan oblystyq ókildiginiń bastamasymen «Asar» qaıyrymdylyq sharasy aıasynda bıyl óńirde 8 otbasyǵa baspana berilgen. Bul ıgi shara bolashaqta jalǵasyn tabatyn bolady. Budan bólek, jyl basynan beri 6500 otbasyǵa jalpy somasy 19 mln. teńgeden astam qarjy kómek retinde ulastyryldy. Búgin bul týraly OQO óńirlik kommýnıkatsııalar qyzmetinde ótken brıfıngte Qazaqstan musylmandary dinı basqarmasynyń OQO boıynsha ókil ımamy Ahmetjan Kerimbek málim etti.

Sonymen qatar, QMDB-nyń óńirdegi ókildiginiń bastamasymen «Rýhanı jańǵyrý» sharasy aıasynda Úndeý qabyldanǵan bolatyn. Onyń maqsaty - óńir turǵyndaryn únemshildikke úgitteý. Búgingi tańda bul bastama kópshilik tarapynan keńinen qoldaý taýyp keledi. Sondaı-aq, qaıyrymdylyq sharalaryna kóbirek mán birilýde.

«Máselen, «Ýaqyp» korporatıvtik qaıyrymdylyq qory eń alǵash ret ózin-ózi qarajatpen qamtamasyz ete almaıtyn aýyl meshitterindegi qyzmetkerlerge kómek kórsetti. Qajettilikke oraı aı saıyn beriletin kómektiń ortasha mólsheri 50-60 myń teńgeni qurady. Budan bólek, aldaǵy 2018 jyly oblystaǵy jalpy sany 1700-den astam meshit qyzmetkerlerine kómek berý josparlanýda», - dedi Ahmetjan Piráliuly. 

Búgingi tańda Ońtústik Qazaqstan oblysynda 800-den astam meshit bar. Olarda 1800-ge jýyq qyzmetker jumys isteıdi. Otyzdan astam din qyzmetkeri teris aǵym jeteginde ketken azamattarmen ýaǵyz-nasıhat júrgizedi. Máselen, bıylǵy jyly kereǵar aǵymdarmen jumys nátıjesinde 70 azamat dástúrli dinge oralǵan. Sondaı-aq, jastardyń durys tálim-tárbıe alý maqsatynda oblystyq meshit janynan «Áıel jáne qyzdar» sektory men «Ájeler mektebi» ashylyp otyr.

Budan bólek, oblys aýmaǵynda «Shymkent», «Saryaǵash» medrese kolledjderi jumys istep keledi. Onda 370 shákirt bilim alyp jatyr. Onyń 175-i tegin oqý grantymen qamtylǵan. Bul óz kezeginde bilikti din mamandaryn daıarlaýǵa mol septigin tıgizbek.