OQO-da bıyl 554 qylmys elektrondy formatta tirkeldi
ShYMKENT. QazAqparat - Ońtústik Qazaqstan oblysynda qylmystar elektrondy túrde tirkele bastady. Jyl basynan beri 554 qylmys jańa formatta tirkeldi, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, elimizde eń alǵash ret elektrondy formatta qylmystyq isterdi qaraý jobasy OQO Túlkibas aýdanynda engizilgen bolatyn. ıAǵnı, ótken jyly atalǵan aýdannyń ákimshiligi 7 mln teńge bólip, 19 qyrkúıek pen 25 jeltoqsan aralyǵynda pılottyq jobany júzege asyrdy. Tájirıbe kórsetkendeı, tergeý jumysyna kóp ýaqyt bólinip, qaǵazbastylyq azaıdy. Al, ońtústik óńiri elektrondy túrde qaralyp jatqan qylmystyq ister boıynsha kósh bastap tur. Búgingi tańda elektrondy túrde tirkelgen 554 qylmystyq istiń 199-y sotqa joldansa, onyń 121-ine sot sheshimi shyqqan.
Polıtseıler bul joba sybaılas jemqorlyqqa qarsy kúres baǵytynda qoldanatyn shara dep otyr.
«Búginde sanktsııa sottardan tikeleı elektrondy formatta alynyp, tergeýshi prokýror men sottyń arasynda qaǵazbastylyq azaıdy. Qazir sanktsııany kabınetten shyqpaı-aq eki-úsh saǵattyń ishinde alýǵa bolady. Tsıfrlyq format eń aldymen adam quqyǵynyń qorǵalýyn kúsheıtedi. Munda barlyq protsess alaqandaǵydaı kórinip turady. Toq eterin aıtqanda, bul joba quqyq qorǵaý qyzmetin joǵary quqyq qorǵaý talaptaryna saı etip, protsessýaldyq negizin sapaly túrde jetildiredi. Bul qujat normalaryn tıisti deńgeıde júzege asyrý qoǵamnyń tutas quqyq qorǵaý júıesine degen senim deńgeıin arttyrady»,- deıdi oblystyq ІІD baspasóz qyzmetiniń jetekshisi Saltanat Qarakózova.
