OQO-da bıyl 50 bilim uıasy el ıgiligine beriledi
ShYMKENT. QazAqparat - Ońtústik Qazaqstan oblysynda aǵymdaǵy jyly 50 bilim uıasy el ıgiligine beriledi dep kútilýde. Onyń 15-i «Nurly jol» memlekettik baǵdarlamasy aıasynda salynsa, 5-eýi respýblıkalyq bıýdjet esebinen boı kóterip jatyr, dep habarlaıdy QazAqparat tilshisi.
Eger qurylys jumystary josparǵa saı júrgizilse, barlyq nysandar jyl sońyna deıin tapsyrylmaq. Budan bólek, oblystyq qurylys basqarmasy 2018 jyly bilim uıalarynyń qurylysyn salýǵa respýblıkalyq bıýdjetten qosymsha qarjy qarastyrýǵa usynys joldaǵan. Eger usynys qabyldanyp jatsa, turǵyzatyn bilim uıalarynyń qatary artady dep kútilýde.
Sondaı-aq oblystyq bıýdjetten qaralǵan 9,5 mlrd teńgege 30 mekteptiń qurylysy qolǵa alynyp, jyl sońyna deıin aıaqtalatyn bolady. Jańa mektepterdiń qurylysy jaıly jýyrda oblys ákimi Janseıit Túımebaevtyń halyq aldynda bergen esebinde de aıtylǵan bolatyn.
Al, ótken jyly bıýdjet qarajattary esebinen 32 mektep tapsyryldy. Ulttyq qordan 29,8 mlrd teńge bólinip, «Nurly jol» baǵdarlamasy aıasynda 35 bilim berý nysyndarynyń qurylysy júrgizilgen bolatyn.
Óńirde sonymen qatar kolledjder salý isi de qarqyn alyp keledi. Máselen, ótken jyly oblystyq bıýdjetten qaralǵan 9,5 mlrd teńgege 39 mektep pen 3 kolledjdiń qurylysy júrgizilip, 12 mektep paıdalanýǵa berilgen. Qalǵan 30 nysannyń qurylysy 2018 jyly aıaqtalady dep kútilýde.
